دارحان مىڭباي – پارلامەنت ءماجىلىسىنىڭ دەپۋتاتى

دارحان مىڭباي ءماجىلىستىڭ ەكولوگيا ماسەلەلەرى كوميتەتىنىڭ مۇشەسى بولدى. پارلامەنت ءماجىلىسىنىڭ جالپى وتىرىسىندا پالاتانىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ جاڭا مۇشەسى سايلاندى، دەپ حابارلايدى قازاقپارات.

«كەشە قر ورتالىق سايلاۋ كوميسسياسىنىڭ قاۋلىسىمەن پارتيالىق ءتىزىم بويىنشا «نۇر وتان» پارتياسىنىڭ مۇشەسى دارحان قامزابەك ۇلى مىڭباي قر پارلامەنتى ءماجىلىسىنىڭ دەپۋتاتى بولىپ تىركەلدى. بارلىق دەپۋتاتتاردىڭ اتىنان ءسىزدى قۇتتىقتايمىز. سونىمەن قاتار جاڭا دەپۋتاتتى تۇراقتى كوميتەتتىڭ قۇرامىنا سايلايمىز»، – دەدى ءماجىلىس توراعاسى نۇرلان نىعماتۋلين. داۋىس بەرۋ ارقىلى دارحان مىڭباي ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەسى بولىپ سايلاندى. بۇدان بۇرىن حابارلانعانداي، دارحان مىڭباي پارلامەنت ءماجىلىسىنىڭ دەپۋتاتى بولىپ تىركەلدى.

ۇقساس جاڭالىقتار

Back to top button