گونكونگ – 2017 جىلى تۋريستەر ەڭ كوپ بارعان قالا

گونكونگ – 2017 جىلى تۋريستەر ەڭ كوپ بارعان قالا اتاندى.  گونكونگ 2017 جىلى ساياحاتشىلار اراسىندا ەڭ تانىمال قالالاردىڭ رەيتينگىندە ءبىرىنىشى ورىنعا يە بولدى.

توعىز ايدىڭ ىشىندە بۇل قالاعا 25،7 ملن ادام بارعان، بۇعان Euromonitor International اناليتيكالىق كومپانياسىنىڭ جاريالاعان مالىمدەمەسىندەگى كورسەتكىشتەر دالەل بولا الادى، دەپ حابارلايدى تاسس. گونكونگتان باسقا ادامدار ءجيى كەلەتىن قالالاردىڭ وندىعىندا بانگكوك (23 ملن ادام)، لوندون (19،8 ملن ادام)، سونداي-اق سينگاپۋر، ماكاو، دۋباي، پاريج، نيۋ-يورك، شەنچجەن مەن كۋالا-لۋمپۋر بار. Euromonitor International – ونىمدەر مەن قىزمەت كورسەتۋلەرگە تالداۋلار مەن زەرتتەۋلەر جۇرگىزەتىن بريتاندىق اناليتيكالىق كومپانيا. ەڭ تانىمال قالالاردىڭ رەيتينگى جىل سايىن الەمدەگى 100 قالانىڭ سوڭعى ون جىل ىشىندەگى دەرەكتەرى نەگىزىندە جاسالىنادى. EI ساراپشىلارى قانداي دا ءبىر قالادا 24 ساعاتتان استام ۋاقىت وتكىزگەن تۋريستەر دەرەگىن ەسەپكە الادى.

ۇقساس جاڭالىقتار

Back to top button