مينيسترلىك شارۋالاردان استىق ساتىپ الۋدى قاراستىرۋدا

اۋىلشارۋاشىلىعى مينيسترلىگى شارۋالاردىڭ استىعىنا قولقا سالۋدا.  

«قازىرگى ۋاقىتتا قوسىمشا استىق ساتىپ الۋ ماسەلەسى تالقىلانۋدا. ءتۇرلى ماسەلە بار. ماسەلەن، استىقتىڭ ءبىر بولىگىن ساتىپ الساق، وندا ول شاعىن عانا بولىگى بولادى جانە نارىقتا نارازىلىق تۋدىرادى. بىرنەشە ميلليون ەمەس تەك قانا 500 مىڭ توننا ساتىپ الار بولساق، وندا دا «مەنەن نەگە ساتىپ المادى» دەگەن سۇراق تۋىندايدى. سوندىقتان قازىرگى ۋاقىتتا بىرنەشە نۇسقانى قاراستىرىپ جاتىرمىز. مۇمكىن باسقا قۇرالدى قولدانۋ ءتيىمدى بولار»، – دەدى ول سەناتتىڭ اگرارلىق ماسەلەلەر، تابيعاتتى پايدالانۋ جانە اۋىلدىق ايماقتاردى دامىتۋ كوميتەتىندە «قازاقستان رەسپۋبليكاسى ۇكىمەتى مەن ازىق-ت ۇلىك قاۋىپسىزدىگى جونىندەگى يسلام ۇيىمى اراسىندا شتاب-پاتەر تۋرالى كەلىسىمدى راتيفيكاتسيالاۋ تۋرالى» زاڭ جوباسى قارالعاننان كەيىن باق وكىلدەرىنە بەرگەن سۇحباتىندا.

قر پارلامەنتى ءماجىلىسىنىڭ جالپى وتىرىسىندا دەپۋتات البەرت راۋ ديقانداردان قوسىمشا استىق ساتىپ الۋ ماسەلەسىن كوتەرگەن بولاتىن. «قازىر عانا «قازاگرو» توراعاسىمەن سويلەستىم، ساتىپ الىنعان 115 مىڭ توننا استىق نارىققا ەشقانداي تيىمدىلىك بەرمەيدى. نارىق قوزعالماي تۇر. الىپساتارلار وسىنى پايدالانىپ، ديقاندارىمىزعا قىسىم كورسەتۋدە»،-  دەگەن ەدى البەرت راۋ.

 

 

ۇقساس جاڭالىقتار

Back to top button