پۋتينگە قارسى شەرۋگە شىققاندار تۇتقىندالدى

رەسەيدە وسى جەكسەنبى كۇنى وتكەن ۆلاديمير پۋتينگە قارسى شەرۋگە قاتىسقان 400 ادام تۇتقىندالعان.

ولار قالا كوشەلەرىندەگى نارازىلىق شاراسىنا ۆياچەسلاۆ مالتسەۆتىڭ عالامتورداعى «ء;پۋتيننىڭ تيرانياسىنا قارسى رەۆوليۋتسيا» ۇيىمداستىرۋ تۋرالى راديكالدى ۇندەۋىنەن كەيىن شىققان.

OVD-Info مالىمەتىنشە، جالپى 412 ادام (376 – ماسكەۋ، 13-سانكت-پەتەربۋرگ) قولعا تۇسكەن.

APF اقپاراتتىق اگەنتتىگىنىڭ حابارلاۋىنشا، ماسكەۋ پوليتسياسى 263 ادامدى قۇرىقتاعانىن حابارلادى. TASS اقپاراتتىق اگەنتتىگىنىڭ دەرەگىنشە، شەرۋ قاتىسۋشىلارىنىڭ قولىندا پىشاقتار مەن رەزەڭكە وق اتاتىن تاپانشالار بولعان. APF اقپاراتتىق اگەنتتىگىنىڭ فوتوگرافى وقتان قورعايتىن كەۋدەشەلەر كيگەن پوليتسيا قىزمەتكەرلەرى بەلسەندىلەردى بىرىنەن-سوڭ ءبىرىن كرەملگە جاقىن ماڭداعى الاڭنان ۇستاپ الىپ كەتكەن.

رەسەي پرەزيدەنتىنە قارسى اتىشۋلى شەرۋلەردى وسىعان دەيىن الەكسەي ناۆالنىي ۇيىمداستىرىپ ەدى. 2018 جىلعى پرەزيدەنت سايلاۋىنا ۇمىتكەر تۇلعانىڭ شەرۋلەرى دە پوليتسيانىڭ قاتىسۋىمەن جانە بىرنەشە جۇزدەگەن ادامداردىڭ تۇتقىندالۋىمەن اياقتالعان.

ۇقساس جاڭالىقتار

Back to top button