جامبىل وبلىسىنداعى جەتىمدەر ۇيىندە بالالار سانى 50 پايىزعا ازايدى

جامبىل وبلىسىندا جەتىم بالالارعا ارنالعان ۇيىمدارداعى تاربيەلەنۋشىلەردىڭ سانى 50%-عا دەيىن تومەندەدى، دەپ حابارلادى 24.kz.

بۇل جەتكىنشەكتەردى وتباسىلىق تاربيەگە بەرۋدىڭ يننوۆاتسيالىق تۇرلەرىن دامىتۋدىڭ ناتيجەسىندە مۇمكىن بولىپ وتىر. سونىمەن قاتار 5 جىلدا جەتىم جانە اتا-اناسىنىڭ قامقورلىعىنسىز قالعاندارعا ارنالعان 2 مەكەمە جابىلعان. ال وتباسىلىق ۇلگىدەگى بالالار ۇيلەرىنىڭ سانى 15-كە جەتتى.

قازىر وندا 63 بالا تاربيەلەنىپ جاتىر. جىل باسىنان بەرى وبلىس بويىنشا 78 بالا اسىراپ الىنعان. جالپى وڭىردە بۇگىنگى كۇنى 1500-دەن استام وسىنداي بالا بار. ولاردىڭ 1126-سى قورعانشىلىق پەن قامقورشىلىقتا، 139-ى پاتروناتتىق تاربيەدە.

مۇحتار كەرىمبەكوۆ، وبلىستىق ءبىلىم باسقارماسى قورعانشىلىق جانە قامقورشىلىق ءبولىمىنىڭ جەتەكشىسى:

– بالالار ۇيىندە 400-دەن اسا بالا بولدى. قازىر ول جەردە – 209. بالالار سانى 50%-دان استام كەمىدى. بۇل بالالاردى وتباسىلىق تاربيەگە بەرۋدىڭ ارقاسىندا بولدى. بيىلدىڭ وزىندە 53 بالا بالالار ۇيىنەن وتباسىلىق تاربيەلەنۋگە ورنالاستى. سونىڭ ەسەبىنەن وسىندا جىلدان-جىلعا بالالار سانى ازايىپ كەلە جاتىر.

ۇقساس جاڭالىقتار

Back to top button