ىشىمدىككە تويىپ الىپ، جۇمىسشىلاردى بالاعاتتاعان اكىم قىزمەتىنەن قۋىلدى

باتىس قازاقستان وبلىسى سىرىم اۋدانى جىمپيتى اۋىلىندا ىشىمدىككە سىلقيا تويىپ الىپ، جۇمىسشىلاردى بالاعاتتاعان اۋىل اكىمى قىزمەتىنەن قۋىلدى، دەپ حابارلايدى «موي گورود» باسىلىمى. 

مەملەكەتتىك قىزمەت ىستەرى اگەنتتىگىنىڭ دەپارتامەنتتى باقىلاۋ باسقارماسىندا باسشىلىق ەتەتىن جاقسات مۇراتوۆتىڭ ايتۋىنشا، اكىمگە قاتىستى شۋدان كەيىن تەكسەرىس جۇرگىزىلگەن.

«تەكسەرىس بارىسىندا بارلىق فاكتىلەر راستالدى. 25 قازان كۇنى قايىربەك امانعاليەۆ ەتيكالىق نورمالاردى بۇزعانى ءۇشىن سىرىم اۋدانى ەلتاي اۋىلدىق وكرۋگىنىڭ اكىمى قىزمەتىنەن قۋىلدى»، – دەيدى جاقسات مۇراتوۆ.

ەسكە سالساق، امانعاليەۆتىڭ قۇرىلىس نىسانىنداعى جۇمىسشىلارعا ماس كۇيدە بالاعات سوزدەر جاۋدىرىپ جاتقان ساتىنەن ۆيدەو جەلىدە تاراپ كەتكەن بولاتىن.

قايىربەك امانعاليەۆتىڭ ءوزى بولسا، سول كەشتە ءسال ۇرتتاپ قويعانىن جانە ەڭبەك دەمالىسىندا بولعانىن العا تارتۋدا.

ۇقساس جاڭالىقتار

Back to top button