كەنەسارى حان تۋرالى قۇندى مۇرا

تاياۋدا كەنەسارى قاسىم ۇلى تۋرالى 40 قۇجات ومبىدان ەلگە جەتكىزىلدى. كەنەسارى حان تۋرالى تىڭ دەرەكتەر استاناداعى كورمەگە قويىلعانىن ايتۋعا ءتيىسپىز. كەنەسارى حاننىڭ  ومىرىنە قاتىستى قۇجاتتاردان بولەك كوپشىلىك نازارىنا شوقان ءۋاليحانوۆتىڭ اجەسى ايعانىم تۋرالى بۇرىن كەزدەسپەگەن قۇجاتتار دا اكەلىندى.

ومبى وبلىسى تاريحي مۇراعاتىنداعى ازامات سوعىسىن زەرتتەۋ ورتالىعىنىڭ جەتەكشىسى گالينا بورودينانىڭ ايتۋىنشا، قازاق حالقىنىڭ تاريحى ءۇشىن ماڭىزدى قۇجاتتاردى زەرتتەۋشىلەر العاش رەت كوپشىلىك نازارىنا ۇسىنعان. قازاق تاريحىندا ەلەۋلى ورنى بار تۇلعالارعا قاتىستى ەڭ قىزىق دەرەكتەر ىرىكتەلدى. «بۇل قۇجاتتار وسى كۇيىندە العاش رەت كورسەتىلىپ وتىر، سەبەبى ولاردىڭ باسىم بولىگى «ايرىقشا قۇندى» مارتەبەسىنە يە بولعان ەدى. كەڭەستىك كەزەڭدە بۇل قۇجاتتار زەرتتەۋشىلەردىڭ قولىنا تيە بەرمەيتىن. قازىرگى كەزدە كورمەدە كورسەتىلگەن تۇلعالار جايىنداعى مالىمەتتەر قازاق حالقى تاريحى ءۇشىن ماڭىزدى ەكەنىن تۇسىنە وتىرىپ، ەندى قۇجات زەرتتەۋشىلەر ءۇشىن اشىلۋدا. ءبىزدىڭ مۇراعاتتا كەنەسارى حان تۋرالى بار مالىمەتتەردىڭ ءبىر بولىگىن سكانەردەن وتكىزدىك. قۇجاتتار از ەمەس، سەبەبى ونىڭ قولباسشىلىعىمەن قازاق حالقىنىڭ تاۋەلسىزدىگى ءۇشىن كۇرەس ۇزاق ۋاقىتقا جالعاستى. ءبىز وسى دەرەكتەردەن ەڭ قىزىقتىلارىن ىرىكتەپ الدىق»، – دەدى گالينا بورودينا. ونىڭ سوزىنە قاراعاندا، مۇراعاتتا كازاك وتريادتارىمەن قاقتىعىستار تۋرالى دا اقپاراتتار ساقتالۋدا.

بۇل قۇجاتتاردىڭ ىشىندە اقمولا مەن ومبىنىڭ ەسكى كارتاسى بار. 10-15 بەتتەن تۇراتىن 40 قۇجات استانا قالاسىنىڭ مەملەكەتتىك مۇراعاتىنا تاپسىرىلدى.

 

 

Back to top button