مەملەكەتتىك ورگاندار 6 ميلليارد تەڭگەگە قىمبات كولىكتەر ساتىپ العان

مەملەكەتتىك ورگاندار بيىلعى 9 ايدا 500-دەن اسا شەتەلدىك قىمبات كولىك ساتىپ العان. ونىڭ قۇنى 6 ميلليارد تەڭگەنى قۇراعان. بۇل بىلتىرعىدان 7،5 پايىزعا ارتىق، دەپ حابارلايدى «استانا» تەلەارناسى

وتكەن جىلدىڭ 9 ايىندا 67 كولىكتى ساتىپ الۋعا 22 ميلليون تەڭگە جۇمسالعان ەكەن. «شەنەۋنىكتەردىڭ شەتەلدىك كولىكتەرگە تاپسىرىس بەرۋى وتاندىق كولىكتەردىڭ نارىقتى جاۋلاۋىنا ايتىرلىقتاي كەدەرگى تيگىزىپ وتىر»، – دەيدى «قازاۆتووندىرىس» قازاقستان اۆتوموبيل سالاسى كاسىپورىندارى وداعىنىڭ» باسقارما توراعاسى ولەگ الفەروۆ.

ونىڭ سوزىنشە، قىمبات يمپورت كولىكتەرگە قىزىعۋشىلىقتىڭ كۇرت ارتۋىنا – بيىل مەملەكەتتىك ساتىپ الۋدا وتاندىق كولىكتەرگە بەرىلگەن باسىمدىقتىڭ الىنىپ تاستالۋى سەبەپ.

ولەگ الفەروۆ، «قازاۆتووندىرىس» قازاقستان اۆتوموبيل سالاسى كاسىپورىندارى وداعىنىڭ» باسقارما توراعاسى:

– وتاندىق كولىكتەرگە دەگەن باسىمدىقتىڭ الىنۋىنا سەبەپ دسۇ مۇشەلىككە ەنۋ بولدى. الايدا كورشىلەس رەسەي ءوز كولىكتەرىنە دەگەن باسىمدىقتى ساقتاپ قالدى. بىزدە دە وسىنداي مۇمكىندىك بار. ايتپەسە، قۇنى ەرەكشە قىمبات كولىكتەردى يمپورتتاۋ بيىل 7،5 ەسەگە ارتسا، كەلەر جىلى 14 ەسەگە ارتا بەرەدى. ناقتى مىسال رەتىندە استانا قالاسىنىڭ اكىمدىگىنە قاراستى اۆتوشارۋاشىلىق سەرىكتەستىگى 55 ملن تەڭگەگە S-كلاستى Mercedes Benz كولىگىن ساتىپ الدى. قۇنى 22 ملن تەڭگەدەن جوعارى تۇراتىن Toyota Land Cruiser كولىگىن  العانداردىڭ ىشىندە الماتى، اقمولا، قوستاناي، سقو اكىمدىكتەرى، ءبىرسىپىرا اۋدان اكىمدىكتەرى مەن ءتىپتى دەنە تاربيەسى جانە تىلدەردى دامىتۋ سىندى باسقارمالار دا بار.

بىراق حالىقتىڭ وتاندىق كولىكتەرگە سۇرانىسى جامان ەمەس. وتكەن جىلمەن سالىستىرعاندا ساۋدا 3 ەسەگە ءوسىپ، 64 پايىز قۇراعان. وسىلايشا بيىل قۇنى 101،4 ملرد تەڭگەگە 13 312 اۆتوكولىك قۇرالى جاساپ شىعارىلىپتى. قازاقستاندا قۇراستىرىلعان كولىكتەردىڭ سۇرانىسقا يە بەستىگىن Lada، Hyundai، KIA، Chevrolet، JAC كولىكتەرى قۇراپ وتىر. ال، ەكسپورتتىڭ 82 پايىزى قحر تيەسىلى، 18 پايىزى رەسەي، بەلارۋس، تاجىكستانعا تاسىمالدانىپ جاتىر. سونداي-اق وزبەكستانعا دا كولىك ەكسپورتتاۋ كوزدەلىپ وتىرعان كورىنەدى.

ۇقساس جاڭالىقتار

Back to top button