قىزمەتكەرلەرى ءتۇن ورتاسىنا دەيىن جۇمىس ىستەيتىن ۆەدومستۆولار انىقتالدى

ەلىمىزدە جۇمىس ۋاقىتىنان تىس قىزمەت ەتۋ دەرەگى ءبىلىم جانە عىلىم مەن الەۋمەتتىك قورعاۋ مينيسترلىكتەرىندە ەڭ كوپ تىركەلدى.بۇل تۋرالى حابار 24 حابارلايدى.

بۇل مەملەكەتتىك مەكەمەلەردىڭ قىزمەتكەرلەرى ادەتتە جۇمىس ورىندارىندا بەلگىلەنگەن نورمادان ءبىر-ەكى ساعات ارتىق وتىراتىنى انىقتالدى.

ءتىپتى ءتۇن ورتاسىنا دەيىن جۇمىس ىستەيتىندەر بار. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى وسىنداي زاڭبۇزۋشىلىقتى انىقتادى.

ەڭبەك كودەكسىن استانا قالاسىنىڭ اكىمدىگى دە ەلەي قويمايدى. جۇرگىزىلگەن رەيد بارىسىندا مەملەكەتتىك قىزمەتكەرلەرگە اۋىزشا ەسكەرتۋ جاسالدى.

«زاڭ بارىنە ورتاق. جۇمىس ۋاقىتىنان تىس قالىپ، جۇمىس جاساۋعا تىيىم سالىنعان. ياعني ولار زاڭمەن بەلگىلەنگەن تارتىپپەن قالۋ كەرەك. باسشىلار وزدەرىنىڭ بۇيرىقتارىمەن قالدىرۋعا قۇقىلى. جۇمىستان تىس قالدىرۋ شەكتەلگەن زاڭمەن. ياعني كۇنىنە ەكى ساعاتتان اسپاۋى ءتيىس. جۇمىستان تىس قالىپ، ارتىق جۇمىس جاساعانى ءۇشىن مەملەكەتتىك قىزمەتكەرگە اقىلى رەتىندە نەمەسە ارتىنان دەمالىس كۇندەرىن بەرۋ ارقىلى وتەلۋى ءتيىس»، – دەيدى قر مقىسجقىا دەپارتامەنت ديرەكتورى راۆيل تولەباەۆ.

ۇقساس جاڭالىقتار

Back to top button