ءمارمار ۇنتاعىن وندىرەتىن زاۋىت

ەلىمىزدىڭ قايسىبىر ءوڭىرىن الساق تا، تابيعي بايلىق تۇرلەرىنە باي. ال ەندى ءبىر ايماقتا شيكىزاتتىڭ ءوزى وندىرىسكە سۇرانىپ تۇر. سونىڭ ءبىرى تاياۋدا عانا جامبىل وبلىسىندا اشىلعان ءمارمار ۇنتاعىن وندىرەتىن زاۋىت.

تالاس اۋدانى، قاراتاۋ قالاسىندا ورنالاسقان «قاراتاۋ پرو»  جاۋاپكەرشىلىگى شەكتەۋلى سەرىكتەستىگىنىڭ ءمارمار ۇنتاعىن وندىرەتىن كاسىپورنىنا ارنايى اتباسىن بۇرعان جامبىل وبلىسىنىڭ اكىمى كارىم كوكىرەكباەۆ زاۋىتتىڭ اشىلۋ راسىمىنە قاتىستى. ەلباسى «قازاقستان 2050 جىلعا قاراي ءوزىنىڭ وندىرىستىك اكتيۆتەرىن ەڭ جاڭا تەحنولوگيالىق ستاندارتتارعا سايكەس تولىقتاي جاڭارتۋى ءتيىس» دەگەن ۇلكەن جاۋاپتى مىندەت جۇكتەگەن بولاتىن. سوندىقتان بۇگىندە ەكونوميكامىزدى يندۋستريالاندىرۋ ماسەلەسىنە باسا نازار اۋدارىلۋدا. بۇل تالاس اۋدانىنىڭ الەۋمەتتىك-ەكونوميكالىق ومىرىندەگى ايتۋلى كۇن. ويتكەنى اۋداندا جاڭا ينۆەستيتسيالىق جوبا ىسكە قوسىلىپ وتىر»، – دەدى اكىم ءوز سوزىندە.

جوبا 2015-2019 جىلدارعا ارنالعان قازاقستان رەسپۋبليكاسىنىڭ يندۋستريالدى-يننوۆاتسيالىق دامۋ مەملەكەتتىك باعدارلاماسى اياسىندا جۇزەگە اسىرىلدى. اتالمىش جوبانىڭ قۇنى – 1946 ميلليون تەڭگە. جوبانىڭ جىلدىق  قۋاتتىلىعى – 110 مىڭ توننا. زاۋىت جەرگىلىكتى تۇرعىنداردى تۇراقتى جۇمىسپەن قامتۋ ماسەلەسىن دە شەشۋگە سەپتىگىن تيگىزىپ،  قازىرگى تاڭدا زاۋىتتا  68 جاڭا جۇمىس ورىندارى اشىلدى. ال زاۋىتقا يتاليانىڭ قۇرال-جابدىقتارى ورناتىلىپ، كارەر تولىقتاي گەولوگيالىق زەرتتەۋدەن وتكىزىلگەن. زاۋىت اعىمداعى جىلدىڭ قاڭتار-ماۋسىم ايلارىنا 14357 توننا ءمارمار ۇنتاعىن جانە 511 توننا ءمارمار ۇگىندىسىن ءوندىرىپ، جالپى ءونىم كولەمى 105،5 ميلليون تەڭگەنى قۇرادى. ايتا كەتەيىك، 2015-2019 جىلدارعا ارنالعان يندۋستريالدى-يننوۆاتسيالىق مەملەكەتتىك باعدارلاماسىنا سايكەس، بيىل وبلىستا قۇنى 15،4 ميلليارد تەڭگە بولاتىن 12 ينۆەستيتسيالىق جوبا ىسكە اسىرىلۋدا. وسى جوبالار اياسىندا كەلەشەكتە 1400 جاڭا جۇمىس ورىندارىن اشۋ جوسپارلانعان.

 

 

ۇقساس جاڭالىقتار

Back to top button