مەديتسينالىق ساقتاندىرۋ

سۇراق: – زياندى جاعدايلاردا جۇمىس ىستەيتىندەر ءۇشىن سالىمدار تولەگەن كەزدە قانداي دا ءبىر جەڭىلدىكتەر بولا ما؟

جاۋاپ: – زياندى جاعدايلاردا جۇمىس ىستەيتىندەر ءۇشىن سالىمدار تولەگەن كەزدە جەڭىلدىكتەر قاراستىرىلماعان. مىندەتتى الەۋمەتتىك مەديتسينالىق ساقتاندىرۋ تۋرالى زاڭ بارلىق جۇمىس ىستەيتىن حالىق ءۇشىن جارنالاردىڭ بىرىڭعاي كولەمىن ورناتتى. قورعا تولەۋگە جاتاتىن جۇمىسكەرلەردىڭ جارنالارى: 2019 جىلعى 1 قاڭتاردان باستاپ – جارنالاردى ەسەپتەۋ وبەكتىسىنىڭ 1 پايىزى; 2020 جىلعى 1 قاڭتاردان باستاپ – جارنالاردى ەسەپتەۋ وبەكتىسىنىڭ 2 پايىزى كولەمىندە ورناتىلادى.

– مەديتسينالىق ساقتاندىرۋ قورىندا ەكونوميكالىق احۋالدىڭ تومەندەۋ جاعدايىنا رەزەرۆتەردى قالىپتاستىرۋدىڭ داعدارىسقا قارسى ستسەناريى بار ما؟

– ەكونوميكالىق جاعدايدىڭ قيىنداي ءتۇسۋى كەزىندە قور:

– اعىمداعى قارجى جىلىنان ەكى جىل بۇرىنعى ەكونوميكا بويىنشا ورتاشا ايلىق جالاقىدان ەكونوميكالىق بەلسەندى ەمەس حالىق ءۇشىن مەملەكەت اۋدارعان جارنالاردى قاراستىراتىن كونترتسيكلدىك شارالاردى قولدانادى. داعدارىس كەزەڭدەرىندە بۇل، جۇمىس بەرۋشىلەرگە قاراعاندا، بيۋدجەتكە نەعۇرلىم جوعارى دەڭگەيلى جارنالاردى قامتاماسىز ەتەدى;

– جوسپارلانباعان شىعىستارعا رەزەرۆتەر قور اكتيۆتەرىنىڭ 3 پايىزىنا دەيىنگى كولەمدە  قالىپتاستىرىلادى.

– مىندەتتى مەديتسينالىق ساقتاندىرۋ قورىنىڭ قاراجاتىن ءارتۇرلى قاتەرلەردەن، ەڭ الدىمەن ينفلياتسيادان قورعاۋ قاراستىرىلعان با؟

– بىرىنشىدەن، «ۇزىن اقشاسى» بار جانە ساقتاۋدى قامتاماسىز ەتۋدى تالاپ ەتەتىن باسقا الەۋمەتتىك ساقتاندىرۋ جۇيەسىنەن ايىرماشىلىعى الەۋمەتتىك ساقتاندىرۋ قورىندا قاراجاتتار جينالمايدى، ولار مەديتسينالىق ۇيىمدار كۇندەلىكتى كورسەتەتىن قىزمەتتەردى تولەۋگە باعىتتالادى.

– ەكىنشىدەن، مەديتسينالىق قىزمەتتەر باعاسىنىڭ ءوسۋى ەكونوميكالىق بەلسەندى تۇرعىنداردىڭ جارنالارىنىڭ ەسەبىنەن وتەلەدى. سەبەبى ولاردىڭ تابىسىندا ينفلياتسيا دەڭگەيى قامتىلعان.

– ءمامس شەڭبەرىندە كورسەتىلگەن قىزمەتتەر بويىنشا اقپاراتتى قاداعالاي الامىن با؟

– ەلەكتروندىق دەنساۋلىق ساقتاۋ جۇيەسى بازاسىندا ءاربىر ساقتاندىرىلعان ازامات ءوزىنىڭ  لوگينى جانە قۇپيا ءسوز ارقىلى جەكە كابينەتىنە كىرە الادى، وندا كورسەتىلگەن مەديتسينالىق قىزمەتتەر تۋرالى اقپاراتتى قاداعالاۋعا بولادى، سونداي-اق، ول جەردە ەمدەلۋ بارىسى، دياگنوستيكا، دارىگەرلەردىڭ قابىلداۋى جانە ت.ب. تۋرالى مالىمەت ورنالاسادى

– قوردىڭ شىعىندارى بويىنشا اقپارات حالىق ءۇشىن قانشالىقتى ايقىن بولادى؟

– قازىرگى تاڭدا، جاڭا مودەلدە قاراجاتتى جيناۋ مەن ءبولۋدىڭ ايقىن جۇيەسى قاراستىرىلعان. مىندەتتى الەۋمەتتىك ساقتاندىرۋ قورى قىزمەتىنىڭ ايقىندىلىعى مىنالار ارقىلى جۇزەگە اسىرىلادى: جارنالار مەن قاراجات ءتۇسۋىنىڭ كۇندەلىكتى مونيتورينگى;

– كورسەتىلگەن مەديتسينالىق قىزمەتتەردىڭ كۇندەلىكتى مونيتورينگى;

– قاراجاتتى پايدالانۋ تۋرالى ستاندارتتى ەسەپتى ۋاكىلەتتى ورگانعا ۇسىنۋ (دەنساۋلىق ساقتاۋ مينيسترلىگى، قارجى مينيسترلىگىنە، ۇكىمەتكە، ەسەپ كوميتەتىنە);

– قوعامعا جىل سايىن جىلدىق ەسەپتى جاريالاۋ (قىسقاشا گازەتتەردە، تولىق ۆەب-سايتتا جانە جەكە باق باسىلىمداردا):

– الەۋمەتتىك ساقتاندىرۋ قورىنىڭ ستراتەگيالىق قۇجاتتارى (5 جىلعا دامۋ ستراتەگياسى، قىسقا مەرزىمدىك كەزەڭگە دامۋ جوسپارى، جىلدىق جوسپار) ورنالاساتىن مىندەتتى الەۋمەتتىك ساقتاندىرۋ ۆەب-سايتىن جۇرگىزۋ.

– وزىمەن بىرگە ساقتاندىرۋدى (كارتوچكا) ۇنەمى الىپ ءجۇرۋ كەرەك پە، الدە جەكە كۋالىك جەتكىلىكتى بولا ما؟

– ءوز جەكە سايكەستەندىرۋ نومەرىن (جسن) ءبىلۋ جەتكىلىكتى نەمەسە وزىمەن بىرگە جەكە باسىن كۋالاندىراتىن قۇجات بولۋى ءتيىس.

– ءمامس ەنگىزۋ ازاماتتاردان تولەمدەردى تالاپ ەتۋ ارقىلى جەمقورلىقتىڭ ءوسىمىن تۋدىرماي ما؟

– ءبىز جەمقورلىقتان ارىلۋدامىز. ءبىزدىڭ جارنالار، جۇمىس بەرۋشىنىڭ نەمەسە مەملەكەتتىڭ ءبىز ءۇشىن اۋدارىمدارى بۇل جوسپارلانعان ەمدەۋگە جاتقىزۋعا تولەم بولىپ تابىلادى.

– وسىعان بايلانىستى، مەديتسينالىق كومەك ۇسىنۋ كەزىندە مەديتسينالىق ۇيىمدار تاراپىنان تەگىن مەديتسينالىق كەپىلدەندىرىلگەن كومەككە جانە مىندەتتى الەۋمەتتىك ساقتاندىرۋعا كىرەتىن قىزمەتتەرگە «كولەڭكەلى سىياقىلار» ۇسىنىلماۋعا ءتيىس.

– قىزمەتتەرگە اقى تولەۋ، مەديتسينالىق ۇيىمنىڭ ۇسىنىلعان مەديتسينالىق كومەگىنىڭ ساپاسى مەن كولەمىن راستاۋ ارقىلى قوردىڭ قاراجاتى ەسەبىنەن جۇرگىزىلەدى.

– جاقىندا اكەمىزگە ەستۋ اپپاراتىن ساتىپ الدىق. ءمامس شەڭبەرىندە ءوز بەتىنشە ساتىپ الىنعان تەحنيكالىق وڭالتۋ قۇرالدارىنا جۇمسالعان شىعىننىڭ كولەمىن قالاي انىقتايتىنىن بىلگىمىز كەلەدى؟

– ءوز بەتىنشە ساتىپ الىنعان تەحنيكالىق قۇرالدارعا جۇمسالعان شىعىستاردى قور وتەمەيدى.

ۇقساس جاڭالىقتار

Back to top button