تىرىدەي جانىپ كەتە جازداعان جۇرگىزۋشى مەن كوندۋكتورعا ساناۆياتسيا جىبەرىلۋى مۇمكىن

جەزقازعاندا جولاۋشىلار تاسىمالدايتىن اۆتوبۋس ورتەنىپ كەتتى، – دەپ حابارلايدى كتك ارناسى.

اپات كەسىرىنەن جۇرگىزۋشىسى مەن كوندۋكتورى وڭباي كۇيىپ، جانساقتاۋ بولىمىنە تۇسكەن. دەنەلەرىن 95 جانە 35 پايىزعا وت شارپىعان ولاردى قازىر وبلىس ورتالىعىنا ساناۆياتسيامەن جەتكىزۋ ماسەلەسى قارالىپ جاتىر.

كەشكىلىك جۇمىسىن اياقتاپ، جول جيەگىندە توقتاپ تۇرعان اۆتوبۋستا جۇرگىزۋشى مەن كوندۋكتورى عانا بولعان. تۇتانعان وت ساناۋلى سەكۋندتاردا قىزىل جالىنعا اينالعاندا، سالونداعى ەكەۋ قاشىپ شىعىپ ۇلگەرىپتى. الايدا 22 جانە 23 جاستاعى جىگىتتەر قاتتى كۇيىپ قالعان. ال اۆتوبۋس بىرەر مينۋت ىشىندە تۇگى قالماي جانىپ كەتتى. ءورتتىڭ نەدەن شىققانىن ەندى ارنايى كوميسسيا انىقتاۋى ءتيىس.

ۇقساس جاڭالىقتار

Back to top button