حراپۋنوۆتار استاناعا جاۋاپ الۋعا شاقىرتىلدى

حراپۋنوۆتار استاناعا جاۋاپ الۋعا شاقىرتىلدى. حراپۋنوۆتار استاناعا جاۋاپ الۋعا شاقىرتىلدى، – دەپ حابارلايدى Tengrinews.kz تىلشىسى. سىبايلاس جەمقورلىققا قارسى ءىس-قيمىل ۇلتتىق بيۋروسى الماتى قالاسى مەن شىعىس قازاقستان وبلىسىنىڭ بۇرىنعى اكىمدەرى ۆ.ۆ.حراپۋنوۆ. ل.ك.حراپۋنوۆا، ا.ك.ىلياسوۆاعا جانە تاعى باسقالارىنا قاتىستى قىلمىستىق ىسپەن اينالىسىپ جاتىر.

تەرگەۋ بارىسىندا جەمقورلىققا قارسى قىزمەتتەگىلەر جوعارىدا اتالعان ازاماتتار مەن ولاردىڭ سىبايلاستارىنىڭ ارەكەتتەرىنىڭ قۇقىققا قايشى ەكەنىن دالەلدەيتىن مالىمەتتەردى انىقتادى. جينالعان ماتەريالداردىڭ بارلىعى كۇدىكتىلەردىڭ قىزمەتتىك وكىلەتتىكتەرىن اسىرا پايدالانا وتىرىپ، ۇيىمداسقان قىلمىستىق توپ قۇرىپ، ونى باسقارىپ، الاياقتىق ارقىلى مەملەكەتتىك م ۇلىك پەن بيۋدجەت قاراجاتىن يەمدەنۋ، پارا الۋ دەرەكتەرىن تىركەۋگە مۇمكىندىك بەردى. قر قىلمىستىق-پروتسەسسۋالدىق كودەكسىنىڭ 208-بابىنىڭ 1-بولىگىنە سايكەس، سوتقا دەيىنگى تەرگەپ-تەكسەرۋدى جۇزەگە اسىراتىن ادام كۋانى، جابiرلەنۋشiنى، كۇدىكتiنى جاۋاپ الۋعا شاقىرۋ قاعازى ارقىلى شاقىرادى. الايدا كۇدىكتىلەر ۆ.ۆ.حراپۋنوۆ، ل.ك.حراپۋنوۆا مەن ا.ك.ءىلياسوۆانىڭ قازاقستان رەسپۋبليكاسى اۋماعىندا بولماۋىنا بايلانىستى جانە وسى ىسكە قاتىسۋدان باس تارتۋىنا بايلانىستى جەمقورلىققا قارسى قىزمەت قر قپك-ءنىڭ 205-بابىنىڭ 3-بولىگىنە سۇيەنە وتىرىپ، ولاردىجازباشا حابارلاما-شاقىرۋ قاعازى ارقىلى جاۋاپ الۋعا شاقىرىلادى. حابارلاما تەلەفونوگرامما نەمەسە جەدەلحات جانە وزگە دە بايلانىس قۇرالدارى ارقىلى دا بەرiلۋi مۇمكiن. كۇدىكتىلەر ۆ.ۆ.حراپۋنوۆ، ل.ك.حراپۋنوۆا مەن ا.ك.ءىلياسوۆا 2017 جىلدىڭ 17 قازانىندا ساعات 15.00-دە سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ اكىمشىلىك عيماراتىنا كەلۋى ءتيىس: قازاقستان رەسپۋبليكسى، استانا قالاسى، سەيفۋللين كوشەسى، 37 ءۇي، تەرگەۋ دەپارتامەنتى جەدەل-تەرگەۋ توبىنىڭ جەتەكشىسى پەروۆ سەرگەي نيكولاەۆيچكە. سونداي-اق، قر قىلمىستىق-پروتسەسسۋالدىق كودەكسىنىڭ 68-بابىنا سايكەس، كۇدىكتىنىڭ قورعاۋشى رەتىندە ادۆوكاتتى شاقىرۋعا قۇقىعى بار ەكەنى ايتىلادى. كورسەتىلگەن ۋاقىتتا كەلۋگە مۇمكىندىك بولماي، قانداي دا ءبىر سەبەپتەر بولىپ جاتسا نەمەسە ءوتىنىش تۇسىرگىسى كەلگەن جاعدايدا كۇدىكتى نەمەسە ونىڭ مۇددەسىن قورعايتىن ادام بەلگىلەنگەن تارتىپتە قۇقىق قورعاۋ ورگاندارىنا بۇل جايلى ەسكەرتۋى ءتيىس. قر قىلمىستىق-پروتسەسسۋالدىق كودەكسىنىڭ 205-بابىنىڭ 3-بولىگىنە سايكەس، كۇدىكتىلەر ۆيكتور مەن ءلايلا حراپۋنوۆتار، سونداي-اق، ا.ك.ءىلياسوۆا جولدانعان شاقىرۋ قاعازدارىنىڭ رەسپۋبليكالىق جانە شۆەيتساريانىڭ باق-تارىندا جاريالاناتىنى ايتىلادى. ەسكە سالايىق، ۆيكتور حراپۋنوۆ پەن ونىڭ ايەلى ءلايلا حراپۋنوۆاعا قاتىستى قازاقستاندا ۇزىن سانى 24 قىلمىستىق ءىس قوزعالىپ، قىزمەت بابىن اسىرا پايدالاندى، الاياقتىق جولمەن بيۋدجەت قارجىسىن جىمقىردى، زاڭسىز جەكەشەلەندىرۋ جۇرگىزدى، زاڭسىز كىرىستەردى زاڭداستىرىپ الدى، پارا الدى، ۇيىمداسقان قىلمىستىق توپتى قۇردى جانە ولارعا جەتەكشىلىك ەتتى دەگەن ايىپ تاعىلعان بولاتىن. 2008 جىلعى ساۋىردە ول قازىر وتباسىمەن تۇرىپ جاتقان شۆەيتسارياعا قونىس اۋدارعان بولاتىن. ال 2012 جىلى قازاندا ۆيكتور حراپۋنوۆتىڭ ايەلى – لايلاعا ءىرى كولەمدى الاياقتىق جاساعانى ءۇشىن حالىقارالىق ىزدەۋ جاريالانعان ەدى.

ۇقساس جاڭالىقتار

Back to top button