"بيزنەس پو-كازاحسكي": نۇرلان قويانباەۆ جالعاسىن ءتۇسىردى

قازاقستاندىق تەلەجۇرگىزۋشى، پروديۋسەر نۇرلان قويانباەۆ «بيزنەس پو-كازاحسكي ۆ امەريكە» كومەدياسىنىڭ ەكىنشى ءبولىمى ءتۇسىرىلىپ جاتقانىن ايتتى، – دەپ حابارلايدى Tengrinews.kz تىلشىسى.

ونىڭ ايتۋىنشا، ەندىگى ءفيلمنىڭ مونتاج جۇمىستارى اياقتالىپ قويعان. قازىرگى ۋاقىتتا تۇسكوررەكتسيا مەن دىبىستاۋ بويىنشا جۇمىستار اياقتالۋعا جاقىن. نۇرلان قويانباەۆتىڭ ايتۋىنشا، فيلم جانتەبىرەنتەرلىك تۋىندى بولىپ شىقتى. تۇسىرىلىمدەر الماتىدا 10 كۇنگە جانە لوس-اندجەلەستە 20 كۇنگە سوزىلعان.  «ەكىنشى بولىمىندە باسقا ءازىل بولادى، سەبەبى قازاقستاندىقتار امەريكالىقتارمەن كەزدەسەدى. مۇندا ەكى مەنتاليتەت كەزدەسەدى»، – دەدى ول. بۇل جولى دا فيلمگە جەڭىسحان مومىشەۆ رەجيسسەرلىك ەتتى. ستسەناري اۆتورلارىنىڭ ءبىرى – ءسابيت راحىمباەۆ، وپەراتورى – ازامات دۋلاتوۆ. نۇرلان قويانباەۆ كاتينانىڭ باس پروديۋسەرى.  فيلمدە جان بايجانباەۆ، قاجەت سماعۇل، رامازان امانتاي، گۇلناز جولانوۆ جانە باسقالار وينايدى. سونداي-اق، فيلمدە امەريكالىق سەگىز اكتەر تۇسكەن. كارتينادا شىمكەنتتەن تۋماسى – نيۋ-يورك پوليتسەيى ديماش نيازوۆ وينايدى. فيلمدە ول ومىردەگى وبرازىندا بولادى. قويانباەۆتىڭ ايتۋىنشا، ديماش تۇسىرىلىمدەرگە قاتىسۋعا بىردەن كەلىسىم بەرگەن، ۇيىمداستىرۋ جۇمىستارىندا ءتۇسىرىلىم كومانداسىنا قولعابىس ەتىپتى. نۇرلان قويانباەۆ، ديماش نيازوۆ جانە جەڭىسحان مومىشەۆ. «ء;بىز ديماشقا تەلەفون سوعىپ ەدىك، ول بىردەن كەلىسىم بەرىپ، نيۋ-يوركتەن لوس-اندجەلەسكە ءتورت كۇنگە كەلدى، ول اكتەر رەتىندە عانا ەمەس، ۇيىمداستىرۋ جۇمىستارىنا دا كومەكتەستى. ءفيلمدى تۇسىرۋگە اقش-تاعى قازاقستاندىق ستۋدەنتتەر دە كومەكتەستى. سيۋجەت بويىنشا ولار ديماشتان كومەك سۇراپ، تەلەفون سوعادى. بۇل فيلمدە ءبىز قازاقستاندىقتاردىڭ باسقا ەلدەردە جۇرسە دە ءبىر-بىرىنە كومەكتەسەتىنىن كورسەتەمىز»، – دەدى باس پروديۋسەر. فيلمدە وقيعا لوس-اندجەلەستە بولادى. باس كەيىپكەر جومارت ءوزىنىڭ الماتىداعى قوناقۇيىنە بەس جۇلدىز ستاتۋسىن الۋعا نيەتتى. ونىڭ قوناقۇيىنە اقش-تان ماماندار كەلىپ، باعا بەرۋى ءتيىس. الايدا قوناقۇي كۇزەتشىسى وعان دورەكى ءسوز سويلەپ قويادى، سوندىقتان ول اشۋعا بەرىلىپ، اقش-قا كەتىپ قالادى. جومارت پەن قوناقۇي جۇمىسشىلارى (تۋىستارى) ونىڭ ارتىنان لوس-اندجەلەسكە اتتانىپ، الگى ماماننان كەشىرىم سۇراپ، بەس جۇلدىز ستاتۋسىن وتىنەدى. لوس-اندجەلەستە كەيىپكەرلەر قىزىق وقيعاعا تاپ بولادى.  ءفيلمنىڭ پرەمەراسى 2017 جىلدىڭ 28 جەلتوقسانىنا جوسپارلانعان. ەسكە سالايىق، ءفيلمنىڭ ءبىرىنشى ءبولىمى 2016 جىلدىڭ 28 جەلتوقسانىندا شىققان بولاتىن. وندا ءۇندى اكتەرى، «كەلىن» سەريالىنىڭ جۇلدىزى سيددحارتح شۋكلا تۇسكەن ەدى. ستسەناري اۆتورلارى – ارىستان قاۋنەۆ پەن الىشەر ۋتەۆ.

Back to top button