ەلىمىزدە باسپانا كەزەگىندە قانشا ادام تۇر؟

قازاقستان بويىنشا 450 مىڭ ادام باسپانا الۋ ءۇشىن اكىمدىك كەزەگىندە تۇر. بۇل تۋرالى يدم قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆ ينۆەستيتسيالار جانە دامۋ مينيسترلىگىندە وتكەن بريفينگتە مالىمدەدى، دەپ حابارلايدى Baq.kz.

«اكىمدىكتەردە 450 مىڭ ادام، ال 10 سوتتىققا 1 ميلليون 300 مىڭ ادام كەزەكتە تۇر. مەملەكەت كوپتەپ قۇرىلىس سالۋدى باستادى جانە كەزەك تە كوبەيدى. ولاردىڭ 450 مىڭى، ياعني 25-30%-ى تۇراقتى تابىسى بارلار، 25-30%-ى حالىقتىڭ الەۋمەتتىك ءالسىز توپتارى. تۇرعىن-ءۇي قۇرىلىس جيناعى جۇيەسى ارقىلى سالىمشىلار سانى قازىر ميلليون ادامدى قۇرايدى. باعدارلاما باستالدى، جۇمىس ىستەپ جاتىر جانە حالىق قىزىعىپ وتىر»، – دەدى ول.

ونىڭ ايتۋىنشا، «نۇرلى جەر» باعدارلاماسىنىڭ ءبىرىنشى باعىتى بويىنشا اعىمداعى جىلى اكىمدىكتەرگە 25 ملرد. تەڭگە ءبولىنىپ، 6 مىڭعا جۋىق پاتەردىڭ قۇرىلىسى باستالدى. ونىڭ جارتىسى وسى جىلى تاپسىرىلاتىن بولادى.

سونىمەن بىرگە، «نۇرلى جەر» باعدارلاماسى اياسىندا تۇرعىن ءۇي قۇرىلىس جيناق بانكىنىڭ سالىمشىلارى مەن اكىمدىكتەردە كەزەكتە تۇرعان ادامدار ءۇشىن كرەديتتىك ۇيلەر سالۋ كوزدەلگەن. تۇراقتى تابىسى بار مۇعالىمدەر، دارىگەرلەر، مەملەكەتتىك قىزمەتكەرلەر تۇرعىن ءۇي جيناق جۇيەلەرى ارقىلى ءوز باسپاناسىنا يە بولۋعا مۇمكىندىك الادى.

مارحابات جايىمبەتوۆتىڭ ايتۋىنشا، بۇل وتە قولجەتىمدى. قارىز بويىنشا ەڭ تومەنگى تولەم، ياعني باستاپقى جارنانىڭ تومەنگى شەگى 4-5%-دى قۇرايدى.

ۇقساس جاڭالىقتار

Back to top button