جەرگە تۇكىرگەنگە - 16 مىڭ تەڭگە ايىپپۇل

25-27 قىركۇيەگى ارالىعىندا حالىق اراسىنداعى قۇقىقبۇزۋشىلىقتارعا ارنالعان «تارتىپسىزدىك پەن قۇقىق بۇزۋشىلىققا نولدىك توزىمدىلىك» اتتى كەڭ اۋقىمدى اكتسيا شەڭبەرىندە استانا قالاسىنىڭ ءىىد جەرگىلىكتى پوليتسيا قىزمەتى سوت ورگاندارىمەن بىرلەسە وتىرىپ، كوشپەلى سوت وتىرىسىن وتكىزدى. بۇل تۋرالى استانا قالاسى ءىىد جەرگىلىكتى پوليتسيا قىزمەتى حابارلادى.

كەلەسى سوت وتىرىسى استانا قالاسى «الماتى» اۋداندىق ءىىب جپق ءوتتى. سوت وتىرىسىندا قر اقتك 434 بابىمەن 30-دان استام اكىمشىلىك ءىس قارالدى. وسىلايشا، اعىمداعى جىلدىڭ 26 قىركۇيەگىندە 27 جاستاعى ازامات قوعامدىق ورىندا، ياعني ساتپاەۆ كوشەسىندەگى ايالدامانىڭ اۋلاسىندا جەرگە تۇكىرىپ، قوعامدىق ورىندى لاستاعانى انىقتالدى. قوعامدىق ورىندى لاستاعان قۇقىق بۇزۋشىعا قر اقبتك 434 بابى «ۇساق بۇزاقىلىق» بويىنشا اكىمشىلىك حاتتاما تىركەلدى.

كوشپەلى سوت وتىرىسىندا سوت شەشىمىمەن 27 جاستاعى قۇقىق بۇزۋشىعا 7 اەك (15883 تەڭگە) كولەمىندە ايىپپۇل سالىندى. قۇقىق بۇزۋشى ءوز كىناسىن تولىعىمەن مويىنداپ، كەلەسى كەزەكتە وسى قىلىعىنىڭ قايتالانباۋىنا ۋادە بەردى.

ۇقساس جاڭالىقتار

Back to top button