باسپانا – باستى ماسەلە

«نۇر وتان» پارتياسىنىڭ استاناداعى رەسپۋبليكالىق قوعامدىق قابىلداۋ بولمەسىندە ءماجىلىس دەپۋتاتى ءبايدىلدا جىلقىشيەۆ قابىلداۋ وتكىزىپ، وتىنىشپەن كەلگەن 8 ادامعا ءتيىستى كەڭەستەر بەردى.

قابىلداۋعا كەلگەن ب.بيكەتوۆا باسپانا داۋى بويىنشا سوت شەشىمىمەن كەلىسپەيتىنىن ايتىپ، حالىق قالاۋلىسىنان كومەك سۇرادى. ونىڭ استاناداعى باسپاناسى توزىعى جەتكەن ءۇي رەتىندە بۇزىلماقشى. «1994 جىلى سول ۇيدەگى جەكە بولمەلەردى بىزبەن قوسقاندا تاعى ءبىر وتباسى جەكەشەلەندىرىپ العانبىز. ەندى وسىنى بۇزۋعا قويىپ، بىزگە − ەكى وتباسىعا ءۇش بولمەلى ءبىر عانا پاتەر بەرمەكشى. ءبىز بىرگە تۇرعىمىز كەلمەيتىنىن ايتساق، ارتىق پاتەر جوق دەپ وتىر. مۇنى سوتقا دا بەرگەنبىز، الايدا سوت شەشىمى كوڭىلىمىزدەن شىقپادى» دەيدى ول. بۇل تۇرعىدا دەپۋتات سوتتىڭ شەشىمى شىعىپ قويعان بولسا، ىسكە ارالاسا المايتىندىعىن ءتۇسىندىردى.

قالا تۇرعىنى ەكاتەرينا مولچانوۆا «وليمپ» پيك-كە (پاتەر يەلەرى كووپەراتيۆى) شاعىم ايتىپ كەلدى. اقپان ايىندا ۇيىنە جوندەۋ جۇمىستارىن جۇرگىزۋ كەزىندە پيك سانتەحنيكتەرى سۋ قۇبىرىنىڭ شۇمەگىن دۇرىس بۇراماي، سودان پاتەردەگى قۇبىردان سۋ اتقىلاعان. سالدارىنان ۇيىندەگى ءبىراز م ۇلىك ب ۇلىنگەن. بۇل ماسەلەگە پيك-تەگىلەر نازار سالماي وتىر دەپ قاپالاندى ول.

دەپۋتات اتالعان ماسەلەنىڭ نازارعا الىناتىنىن جانە قالا اكىمدىگىنەن ءتيىستى شارا قولدانۋىن سۇراپ، حات جىبەرىلەتىنىن جەتكىزدى. جاننا ەسىمدى تۇرعىن باسپاناعا مۇقتاج ەكەنىن ايتىپ، كومەك سۇرادى. سەبەبى باسپانا الۋ كەزەگى بويىنشا 8900-ورىندا تۇر. ول مۇگەدەك بالا تاربيەلەپ وتىرعانىن، سوعان الاتىن جاردەماقى مەن ءوزىنىڭ جالاقىسى پاتەراقى تولەۋگە جەتپەيتىنىن ايتىپ، ۋاقىتشا بولسا دا تەگىن باسپانا الۋدىڭ نەمەسە باسپانا الۋداعى كەزەگىن العا جىلجىتۋعا مۇمكىندىگى بار-جوعىن سۇراپ كەلدى.دەپۋتات وسىعان قاتىستى قولدانىستاعى زاڭدار اياسىندا تۇسىنىكتەمە بەرىپ، ءوتىنىشىن قوسىمشا قاراۋ ءۇشىن قابىلدادى.

قابىلدانعان ازاماتتاردىڭ ءبىرى ءۇيىنىڭ ورتەنۋىنە بايلانىستى ماتەريالدىق كومەك سۇراسا، تاعى ءبىرى اۋىل شارۋاشىلىعى كووپەراتيۆىن قارجىلاندىرۋعا، باسقاسى جۇمىسقا ورنالاسۋعا قاتىستى ماسەلەلەرىمەن كەلدى. دەپۋتات ولارعا دا قولدانىستاعى زاڭدار اياسىندا كەڭەس بەرىپ، وتىنىشتەرىن قۇزىرلى ورگاندارعا باعىتتاپ جىبەرەتىنىن ايتتى.

 

ۇقساس جاڭالىقتار

Back to top button