نۇرسۇلتان نازارباەۆ تۇركىمەنستاندا ازيادانىڭ اشىلۋىنا قاتىستى

 مەملەكەت باسشىسى جاۋىنگەرلىك ونەر تۇرلەرى بويىنشا جابىق عيماراتتا وتەتىن V ازيا ويىندارىنىڭ اشىلۋ راسىمىنە قاتىستى. بۇل تۋرالى اقوردانىڭ ءباسپاسوز قىزمەتى حابارلادى. 

ويىندار «دەنساۋلىق. جىگەر. دوستىق» ۇرانىمەن وتۋدە. سپورت سايىستارىنا ازيا جانە وكەانيا ەلدەرىنەن كەلگەن 65 دەلەگاتسيانىڭ 6 مىڭنان استام سپورتشىلارى مەن رەسمي وكىلدەرى قاتىسۋدا. قازاقستان قۇراماسى سپورتتىڭ كوپتەگەن تۇرلەرىنەن سايىسقا تۇسەدى.

جارىس باعدارلاماسىنا سپورتتىڭ 21 ءتۇرى ەنگىزىلگەن. سايىستار جەڭىل اتلەتيكا، پاۋەرليفتينگ، باسكەتبول، فۋتزال، تەننيس، ترەكتەگى ۆەلوجارىس، 50 مەترلىك باسسەيىندە ءجۇزۋ، كونكۋر، سپورتتىق بي، بوۋلينگ، بيليارد، شاحمات، تاي بوكسى، تحەكۆوندو (WTF)، كيكبوكسينگ، سامبو، دجيۋ-دجيتسۋ، كۇرەس، بەلدەسۋ، گرەك-ريم كۇرەسى، ەركىن كۇرەس، تۇرىكمەن ۇلتتىق كۇرەسى بويىنشا وتەدى.

 

ۇقساس جاڭالىقتار

Back to top button