قازاقستان الەمدىك ازاماتتىق يندەكسىندە 85-ورىنعا تومەندەپ كەتتى

2016 جىلعى الەمدىك ازاماتتىق يندەكسىنىڭ قورىتىندىسى بويىنشا ەلىمىز رەسەي، تۇركيا جانە مولدوۆا مەملەكەتتەرىنە جول بەرىپ، 85-ورىندى يەلەندى.

2015 جىلعى كورسەتكىشتەرمەن سالىستىرعاندا (83 ورىن) قازاقستان ەكى ساتىعا تومەن ءتۇستى.
حالىقارالىق كونسالتينگ كومپانياسىنىڭ رەيتينگىسىنە بارلىعى 159 مەملەكەت كىردى. بۇل يندەكس ءتۇرلى كورسەتكىشتەر بويىنشا الەمدىگى ازاماتتىق قۇندىلىقتارعا ساراپتاما جاسادى. ازاماتتىق الۋعا ەڭ كوپ قىزىعۋشىلىق تانىتقان مەملەكەت گەرمانيا بولدى. بۇل مەملەكەت كەيىنگى بەس جىلدان بەرى ءبىرىنشى ورىندا كەلە جاتىر.
2016 جىلى ەكىنشى ورىندى دانيا مەن فرانتسيا ءبولىستى. كوشباسشىلار بەستىگىنە – يسلانديا، شۆەتسيا مەن نورۆەگيا ەندى.
2016 جىلدىڭ قورىتىندىسى بويىنشا يسلانديا مەن بەلگيا وندىققا كىرە المادى.
ازاماتتىق الۋعا قاتىستى قىزىعۋشىلىقتىڭ تومەن كورسەتكىشى ورتالىق افريكا رەسپۋبليكالارى مەن اۋعانستانعا تيەسىلى.
الەمدىك ازاماتتىق يندەكسى  – ەكونوميكانىڭ اۋقىمى، ادام الەۋەتىنىڭ دامۋى، قوعامدىق ءتارتىپ پەن تۇراقتىلىق ءتارىزدى ىشكى فاكتورلاردى قاراستىرادى.  بۇل رەيتينگ باسقا مەملەكەتتەردە ۆيزاسىز ءومىر ءسۇرىپ، جۇمىس جاساۋ مۇمكىندىگىن باعالايدى.

دەرەككوز: sputniknews.kz

ۇقساس جاڭالىقتار

Back to top button