قر پرەزيدەنتى يۋري پيانى قابىلدادى

قازاقستان پرەزيدەنتى «ۇلتتىق عىلىمي كارديوحيرۋرگيا ورتالىعى» اكتسيونەرلىك قوعامى باسقارماسىنىڭ توراعاسى يۋري پيانى قابىلدادى، دەپ حابارلايدى اقوردانىڭ ءباسپاسوز قىزمەتى.

كەزدەسۋ بارىسىندا مەملەكەت باسشىسى استانادا وتكەن دۇنيەجۇزىلىك جۇرەك-قان تامىرلارى جانە توراكالدى حيرۋرگتەر قاۋىمداستىعى 27-ءشى كونگرەسىنىڭ وتاندىق مەديتسينانى دامىتۋداعى ماڭىزى ەرەكشە بولعانىن اتاپ ءوتتى. – قازاقستاندا العاش رەت بۇكىل الەم كارديوحيرۋرگتارىنىڭ كونگرەسى ۇيىمداستىرىلدى. بۇل وتاندىق حيرۋرگيا جەتىستىكتەرىنىڭ الەمدىك دەڭگەيدە مويىندالىپ وتىرعانىن بىلدىرەدى، – دەدى ەلباسى. يۋري پيا نۇرسۇلتان نازارباەۆقا مىڭنان استام شەتەلدىك دەلەگاتتار قاتىسقان كونگرەستىڭ قورىتىندىلارى تۋرالى باياندادى. «ۇلتتىق عىلىمي كارديوحيرۋرگيا ورتالىعى» اكتسيونەرلىك قوعامى باسقارماسى توراعاسىنىڭ مالىمەتى بويىنشا، دۇنيەجۇزىلىك قاۋىمداستىقتىڭ اتقارۋشى كوميتەتى بۇل كونگرەستى ەڭ ۇزدىك باسقوسۋلاردىڭ ءبىرى دەپ باعالاعان. سوڭىندا قازاقستان پرەزيدەنتى يۋري پياعا الداعى جۇمىستا تابىس پەن جاڭا جەتىستىكتەر تىلەدى.

ۇقساس جاڭالىقتار

Back to top button