بەكبولات تىلەۋحان: ءالىپبي اۋىستىرۋ استانا اۋىستىرۋدان قيىن ەمەس

«الىپپە اۋىستىرۋ استانا اۋىستىرعاننان قيىن ەمەس». قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بەكبولات تىلەۋحان قازاق گرافيكاسىنىڭ لاتىن الىپبيىنە كوشۋ جونىندەگى پارلامەتتىك تىڭداۋ بارىسىندا وسىلاي دەدى. بۇل تۋرالى Bnews.kz حابارلادى.

بەكبولات تىلەۋحان ەندى لاتىن الىپبيىنە كوشپەسەك، كەش بولىپ قالۋى مۇمكىن دەگەن پىكىر ءبىلدىردى.

«شىنىندا دا دايىندالدىق، وسى نارسەنىڭ ءتۇبى بولاتىنى اركىمگە بەلگىلى بولدى. جانە ءبىز ءوزىمىزدى دايىنداعان جوقپىز، ۋاقىت دايىندادى. قالتا تەلەفونىمىزعا كەلگەن سمس حابارلار ورىس تىلىندە كەلگەن ينفورماتسيانىڭ ءوزى   لاتينيتسامەن كەلىپ، سولاي دايىندادى. وسى كۇنى سوتكاسىنان ايىرىلعان ادام، سوسكاسىنان ايرىلعان بالادان بەتەر مىنا زاماندا شىنىندا دا كەتىپ جاتقان اقپاراتتىڭ بارلىعى لاتينيتسا، ويتكەنى ادەپ سولاي ىڭعايلانىپ جاتقان كەزدە تۋادى. وسى ۋاقىتتان ەرتە باستاساڭ ەرتە بولىپ كەتەر ەدى، ەندى كەشىكسەك كەش بولۋى ابدەن ىقتيمال»، – دەدى دەپۋتات.

سونداي-اق دەپۋتاتتىڭ ايتۋىنشا، ءتىلىمىزدىڭ ءالىپبيىن اۋىستىرۋ استانى اۋىستىرۋدان قيىن ەمەس. ول ءۇشىن باستىسى – نيەت كەرەك.

«الدىمىزدا ۇلكەن ءبىر ءالىپبي رەفورماسىن جاساۋدا، كەشە قىسىنان ايىرىلعان تۇرىكتىڭ رەفورماسى بار، ءوز ەلىندە وگەي شىققان وزبەكتىڭ رەفورماسىنان الاتىن ۇلگىمىز بار، اڭگىمەسى بۇزىلىپ قالعان ءازىربايجاننىڭ، تۇڭلىگى ءتۇرىلىپ قالعان تۇركىمەننىڭ جاعدايى ءبىزدىڭ باسىمىزدا دا بار.  ول قاتەلىكتى جىبەرمەۋگە بىزگە  تولىق مۇمكىندىك بار دەپ ويلايمىز. سوندىقتان دا ءسوز ىڭعايلارىڭىز نەمەنە دەگەندە، الىپپە اۋىستىرۋ استانا اۋىستىرعاننان قيىن ەمەس، الىپپە اۋىستىرۋ جوسپارلى ەكونوميكادان نارىقتىق ەكونوميكاعا كىلت بۇرىلعاننان قيىن دەپ ويلامايمىن. 1929 جىلى ءبىزدىڭ قازاق ارابيكادان لاتينيتساعا بار بولعانى ەك-اق جىلدىڭ ىشىندە اۋىسقان. سودان قيىن ەمەس. ەڭ باستىسى نيەت كەرەك».

ۇقساس جاڭالىقتار

Back to top button