ەن دالاداعى ءورتتى سوندىرەم دەپ الەك بولعان اكىم تىرىدەي جانىپ كەتتى

اقتوبە وبلىسىندا ەن دالادا بولعان ءورتتى ءسوندىرۋ كەزىندە وكرۋگ اكىمى مەن مەكتەپ مۇعالىمى قايتىس بولدى دەپ حابارلايدى NUR.KZ.

 اقتوبە وبلىسى ايتەكە بي اۋدانىندا ەن دالا ورتكە ورانىپ، بىردەن 4-5 اۋىلدىق وكرۋگتى قامتىعان.

اكىمدىكتىڭ مالىمەتىنشە، تجد ءورت ءسوندىرۋشى قىزمەتىمەن بىرگە مەملەكەتتىك ورگاندار مەن جۇمىسشىلاردان قۇرىلعان ەرىكتىلەر دە ءورتتى سوندىرۋگە اتسالىسقان.

وبلىستىق اكىمدىكتەگىلەردىڭ ايتۋىنشا، اۋىلدىق وكرۋگتىڭ اكىمى سۇلۋكول اۋىلىنىڭ ماڭىنداعى ءورتتى ءسوندىرۋ كەزىندە تىرىدەي جانىپ كەتكەن.

ءورت سوندىرۋگە قاتىسقان ەرىكتىلەر قاتارىندا 1978 جىلى تۋعان اۋىل مۇعالىمى دە بولعان. ونىڭ دەنەسىن قاتتى كۇيىك شالىپ، كەلەسى كۇنى قايتىس بولعان.

ءورت سالدارىنان تاعى ءبىر قارا جۇمىسشى زارداپ شەككەن. جەرگىلىكتى بيلىكتىڭ حابارلاۋىنشا، ول اۋىر جاعدايدا اۋرۋحانادا جاتىر.

قايتىس بولعان اكىم باتىربەك بىرلەپەسوۆ 38 جاستا بولعان. ول 2015 جىلدان باستاپ اۋىلدىق وكرۋگتىڭ باسشىسى قىزمەتىن اتقارىپ كەلگەن. مارقۇمنىڭ ارتىندا ءۇش بالاسى مەن ايەلى قالدى.

ۇقساس جاڭالىقتار

Back to top button