يران يادرولىق زىمىران باعدارلاماسىن جالعاستىرماق

جۋىردا عانا يران اقش سانكتسيالاردى قىسقارتپاسا، يادرولىق زىمىران باعدارلاماسىن جالعاستىراتىنىن جاريالاعان بولاتىن. حاسان روۋحاني رەسمي مالىمدەمەسىندە جاڭا سانكتسيالار قاراستىرسا، يراننىڭ قاراپ وتىرمايتىنى ايتىلعان ەدى. ەندى، مىنە يران قورعانىس مينيسترلىگى مەملەكەتكە قاراتىلعان سانكتسيالارعا قاراماستان، يادرولىق زىمىران باعدارلامالارىن ۇزدىكسىز جالعاستىراتىنىن جەتكىزدى.

بۇل تۋرالى يران قورعانىس ءمينيسترى ءوزىنىڭ مالىمدەمەسىندە ايتىپ ءوتتى. بۇل تۋرالى qazaqtimes «اناتولى» اقپاراتتىق اگەنتتىگىنە سىلتەمە جاساي وتىرىپ جازدى.

يران قورعانىس مينيسترلىگىنىڭ باسشىسى امير حاتامي جاڭا ۇكىمەتتىڭ العاشقى كابينەت جينالىسى اياقتالۋ الدىندا، قورعانىس سالاسىنىڭ الداعى جوسپارلارى مەن ستراتەگيالىق باعىتتارى تۋرالى جاساعان مالىمدەمەسىندە، يرانعا باعىتتالعان سانكتسيالارعا قاراماستان، يادرولىق زىمىران باعدارلاماسىن ۇزدىكسىز جالعاستىراتىنىن ءمالىم ەتتى. «يراننىڭ زىمىران باعدارلامالارىن توقتاتۋعا باعىتتالاتىن قانداي دا ءبىر كەدەرگىلەرگە، سانكتسيالار دا ءبىزدىڭ زىمىران باعدارلامالارىن دامىتۋعا تۇساۋ بولا المايدى»، – دەدى حاتامي.

ول جانە: «يراننىڭ زىمىران باعدارلاماسى بەكىتىلگەن باعدارلاما نەگىزىندە جالعاسىن تاباتىن بولادى. يادرولىق زىمىران باعدارلاماسى توقتاۋسىز جالعاسادى»، – دەپ كەسىمدى ءسوزىن ايتتى ول. بۇل يران جاقتىڭ وسىدان بۇرىن اقش-تىڭ يرانعا جاساعان سانكتسيا شەشىمىنە بەرگەن جاۋابى دەۋگە بولادى.

 

ۇقساس جاڭالىقتار

Back to top button