نازارباەۆ باس پروكۋروردىڭ ورىنباسارىن قىزمەتىنەن بوساتتى

 قر پرەزيدەنتى نۇرسۇلتان نازارباەۆ اندرەي نيكولاەۆيچ كراۆچەنكونى قىزمەتىنەن بوساتتى، – دەپ حابارلايدى تengrinews.kz تىلشىسى اقوردا سايتىنا سىلتەمە جاساپ. 

«مەملەكەت باسشىسىنىڭ وكىمىمەن اندرەي نيكولاەۆيچ كراۆچەنكو قازاقستان رەسپۋبليكاسى باس پروكۋرورىنىڭ ورىنباسارى قىزمەتىنەن بوساتىلدى»، – دەلىنگەن حابارلامادا.  1966 جىلدىڭ 19 شىلدەسىندە الماتى وبلىسىندا دۇنيەگە كەلگەن. 1991 جىلى قازاق مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا جانە 2011 جىلى ماسكەۋ بيزنەس-مەكتەبىن ىسكەرلىك باسقارۋ ماگيسترى ماماندىعى بويىنشا بىتىرگەن. ورىس جانە اعىلشىن تىلدەرىن مەڭگەرگەن. ەڭبەك جولىن 1983 جىلى سوت ورگاندارىندا باستادى. 1991 جىلدان سالىق قىزمەتى ورگاندارىندا جۇمىس ىستەدى. 1994 جىلدىڭ قاراشاسىندا پروكۋراتۋرا ورگاندارىنا قىزمەتكە كەلدى. پروكۋرورلىق ماماندىقتىڭ بارلىق ساتىلارىن بىرتىندەپ ءوتتى.

2001 جىل مەن 2011 جىلدار ارالىعىندا قازاقستان رەسپۋبليكاسى باس پروكۋراتۋراسى الەۋمەتتىك-ەكونوميكالىق سالا زاڭدىلىعىن قاداعالاۋ دەپارتامەنتىنىڭ باستىعى لاۋازىمىندا قىزمەت ەتتى. قارجى مونيتورينگى، شاعىن جانە ورتا بيزنەستى قورعاۋ جانە قولداۋ ينستيتۋتتارىنىڭ قالىپتاسۋىنا تىكەلەي قاتىستى. پروكۋراتۋرا قىزمەتكەرلەرىنىڭ جۇمىسىن باعالاۋ جانە پروكۋراتۋرا ورگاندارىنداعى ەلەكتروندىق قۇجات اينالىمى جۇيەلەرىن جەتىلدىرۋ كاسىبي قىزىعۋشىلىق تانىتاتىن سالالارى بولىپ تابىلادى. 2011 جىلدىڭ ماۋسىمىنان باستاپ – قازاقستان رەسپۋبليكاسى باس پروكۋرورىنىڭ ورىنباسارى لاۋازىمىندا قىزمەت ەتەدى. ءىى دارەجەلى «داڭق» وردەنىمەن، «ەرەن ەڭبەگى ءۇشىن» مەدالىمەن جانە وزگە دە مەملەكەتتىك جانە ۆەدومستۆولىق ناگرادالارمەن ماراپاتتالعان. سىنىپتىق شەنى – 3-ءشى دارەجەلى مەملەكەتتىك ادىلەت كەڭەسشىسى. ۇيلەنگەن، ەكى بالا تاربيەلەۋدە.

ۇقساس جاڭالىقتار

Back to top button