Парижде атыс болды

Парижде атыс болды. Француз полициясы Париждің орталығында, Нотр-Дам соборы маңында атыс болып жатқанын хабарлап, жұртқа ол маңға бармауды ескертті. БАҚ дерегінше, бір адам собор маңында жүрген полицейге балғамен шабуыл жасап, оққа ұшқан. Кейбір ақпарат құралдары ол адамның жараланғанын айтады. Бұл мәлімет ресми түрде расталған жоқ. Парижде 2015 жылғы қарашада террорлық шабуыл жасалғаннан кейін Францияда енгізілген төтенше жағдай тәртібі әлі күшінде. Жұрт көп жиналатын орындарды қарулы әскери патруль күзетеді.