71 миллион теңге жинаған қаржы пирамидасы әшкереленді

Ақтөбеде халықтан 71 миллион теңге жинап алған қаржы пирамидасы әшкере болды, - деп хабарлайды Tengrinews.kz.  Баспасөз қызметінің мәліметінше, екі әйел million888соm сайтын жасап, 2014 жылы қаржы пирамидасын ашқан. "Шығыс Қазақстан облысының аумағында "Tulpar888", "Million888" жобаларына азаматтарды тарту - қаржы пирамидасының жарқын көрінісі. ШҚО бойынша МКД экономикалық тергеу қызметі 2014 жылы өзінің жақын құрбысымен Ақтөбе қаласында "million888соm" веб-сайтын жасап, салымшылардың ірі көлемдегі ақша қаражаттарын тарту арқылы қаржы пирамидасын құрған азаматша Ш.-ға қатысты қылмыстық істі аяқтап сотқа жолдады. Жобының шарты бойынша - жеке тұлға жобаға серіктес ретінде қатысу үшін өтінішті толтырып, сосын азаматша Ш.-ның банктегі картасына бағдарламаға қатысуға қажетті ақша қаражатын аударып және өзін шақырған адамның соңынан сайтта тіркеледі", - дейді баспасөз қызметіндегілер. Бұдан кейін, айтуларынша, бағдарламаға қатысушы екі адамды шақырады, олар да тиісінше екі адамды шақырады. Осылайша өзінен кейін 6 адам шақырылғаннан кейін, 180 000 теңге көлемінде сыйақы алады, оның 125 мың теңгесін азаматша Ш-ның есепшотынан өз карточкасына алып отырады, ал қалған 55 мың теңгесі инвестиция ретінде бағдарламаға қайта қатысу құқығымен жүйеде қалып отырған. 2015 жылы азаматша Ш. құрбысының Ақтөбе қаласында қайтыс болғанын қарамастан, "tulpar.million888.com" web-сайтын автожобаны енгізу мақсатымен салымшыларды тартады, оларға "Тойота-Королла" маркалы автокөлігін сыйақыға беруге уәде береді. Тергеу барысында азаматша Ш.-ның карталық есеп шотына 2014 жылдың шілде айынан 2016 жылғы тамыз айына дейін 71 миллион теңгеден артық ақша қаражаты түскені анықталды. Өзінің қылмыстық әрекеттерін жалғастыра отырып, азаматша Ш. 2015 жылдың жазында салымшыларды көптеп тарту мақсатында өзінің "tulpar.million888соm" жаңа жобасын Семей қаласының тұрғындарына таныстырады. 2015 жылдың шілде 2016 жылдың қаңтар аралығында қаржылық пирамидаға Семей қаласының 31 тұрғынының 7 миллион теңгеден артық ақша қаражатын тартқан. Азаматша Ш. тергеу барысында жәбірленушілердің басым көпшілігінің ақша қаражатын сот үкімі шыққанға дейін қайтарып берген. Семей қаласы № 2 сотының үкімімен азаматша Ш. заңды және жеке тұлғалардың ақша қаражатын тартумен табыс алу бойынша қызметпен айналысу құқығынан жеті жылға дейінгі мерзімге айыра отырып,мал мүлкін тәркілеумен 5 жылға бас бостандығынан айрылды. "ҚР тәуелсіздігінің 25 жылдығына байланысты рақымшылық жасау туралы" ҚР заңының талаптарына сәйкес негізгі жаза жарты мерзіміне қысқартылды. Үкім заңды күшіне енген жоқ. "Соңғы уақытта Қазақстанның жеке инвестициялар нарығында қаржылық пирамида белгісі бар ұйымдардың қызметі белсенді әрекет етуде. Қаржы пирамидасы - бұл тұрғындардың қаражаттарын қандай да бір инвестициялық жобаларға тарту, бірақ шын мәнісінде ешқандай инвестициялық қызмет жүзеге асырылмайды және жобаның алдыңғы қатысушыларына ақы төлеу, тек жаңақатысушылардың қаржысын тарту есебінен ғана жүргізіледі. Қаржы пирамидаларының қауіптілігі неде? Ерте ме кеш пе қаржы пирамидалары банкроттықа ұшырайды. Бұл жаңа клиенттердің ақшаларының бұрынғыларға пайыз төлеуге жетпеген уақытта болады", - деп ескертеді ведомство өкілдері. Сондай-ақ, айтуларынша, мұндай компаниялардың құруы аяқ астынан, сіз оның қай уақытта болатынын білмейсіз және өз ақшаңызды қайтарып ала алмайсыз. Қаржы пирамидасы сіз ақшаңызды әкелген күннің ертесінде-ақ құруы мүмкін. Кейде жылдап қызмет етеді, бұл уақытта сіздің пайда көруіңіз де мүмкін, бірақ бұл тек сіздің соңыңыздан келген адамдардың есебінен ғана болады, айналып келгенде түбі банкроттыққа әкеп соғады екен. Сонымен, егер сізге ақшаңызды төменде көрсетілген белгілердің тым құрығанда бірі бар компанияға салуды ұсынар болса, абай болыңыз, бұның қаржы пирамидасы болуы әбден мүмкін. "Қаржылық пирамиданың барлық белгілі болған фактілері туралы ШҚО бойынша МКД экономикалық тергеу қызметіне 24-06-05 сенім телефоны немесе Өскемен қаласы Буров көшесі 10/1 мекен жайына хабарласуларыңызды сұраймыз", - дейді МКД өкідері.