Елбасы Нұрсұлтан Назарбаев Эр-Риядқа барды

Қазақстан Президенті Нұрсұлтан Назарбаев «АҚШ – Ислам әлемі» саммитіне қатысу үшін Эр-Рияд қаласына барды деп жазады Хабар 24. Елбасы мінген ұшақ Сауд Арабиясы елінің астанасы Эр-Рияд қаласына қонды. Мемлекет басшысының бұл сапары жөні бөлек жиынға арналады. Ертең мұнайлы ел астанасы Америка - мұсылман елдері саммитін өткізеді. Қолдағы бар мәлімет бойынша келелі жиынға 50-ден аса мемлекеттің басшылары қатысады. Қазақстанның бұл кеңесте алатын орны ерекше болмақ. Араб елінің шетінді тұсы Сириядағы шиеленісті шешуге ниеттіміз. Бұл сөзді Қазақстан іспен де дәлелдеді. Келіссөздердің бір емес, төрт раунды Астанада өтті. Сондықтан ертең көпшіліктің назары Нұрсұлтан Назарбаевқа ауары анық. Тағы бір маңызды ақпар. Американың Президенті Дональд Трамп та кездесуге қатысады. Бұл жаңалықты жаһан журналистері жарыса жазып жатыр. Себебі Ақ үйдің қожайыны алғашқы сапарын осы Эр-Риядтан бастайды. АҚШ Президентінің Ұлттық қауіпсіздік бойынша кеңесшісі Герберт Макмастер тілшілерге берген сұхбатында Дональд Трамп Сауд Арабиясында ислам діні жайында кең көлемде сөз сөйлейді және онда ол исламдағы радикализм, террориммен күрес жайында баяндама жасайды деген. Әлем елдері көз тігетін ертеңгі жиында тағы маңызды мәлімдемелер жасалады.

Серіктес жаңалықтары