Шымбұлақ - ТМД-дағы жазғы демалысқа арналған ең танымал тау курорты

ТурСтат талдау агенттігі 2017 жылы жазда тынығуға ТМД-дағы ең танымал тау курорттарын анықтады, деп хабарлайды ҚазАқпарат.  Тау бөктерінде белсенді қозғалыспен тынығуға джиппинг, тауға шығу (треккинг), тауда велосипед тебу (маунтинбайки) және квадроциклдер, атқа міну, SPA және фитнес жатады. ТМД елдеріндегі танымал тау курорттарының алғашқы бестігіне Қазақстан, Әзербайжан, Армения, Қырғызстан және Өзбекстан курорттары кіреді. Ресей туристерінің ТМД елдерінде белсенді демалатын танымал тау курорттарының үздік бестігіне Шымбұлақ (Қазақстан), Шахдаг (Әзербайжан), Цахкадзор (Армения), Шымған (Өзбекстан) және Қаракөл (Қырғызстан) кірді.