Алматы облысының Көксай ауылында төрт жасөспірімді жол талғамайтын көлік қағып кетті. Оқиғадан кейін жүргізуші тоқтамай, жол-көлік оқиғасы болған жерден қашып кетуге тырысқан, деп хабарлайды turkystan.kz.
Алдын ала мәлімет бойынша, жол-көлік оқиғасы көлік кептелісі пайда болған жол учаскесінде болған. Жол талғамайтын көлік жүргізушісі көліктердің шоғырын айналып өтпек болған. Алайда оның бұл маневрі жеңіл автокөлікпен соқтығысуға әкелген.
Соқтығыстан кейін ер адам тоқтамай, қозғалысын жалғастырған. Көлік тротуарға шығып кеткен. Сол сәтте тротуарда төрт жасөспірім болған. Қағу салдарынан екі кәмелетке толмаған бала дене жарақатын алып, қатты қорыққан. Олардың жағдайы қанағаттанарлық деп бағаланып отыр.
Ал жүргізуші жол-көлік оқиғасы болған жерден қашып кеткен.
Полиция қызметкерлері оның кім екенін анықтап, күдіктіні ұстады. Ер адам уақытша ұстау изоляторына қамалды. Аталған факті бойынша қылмыстық іс қозғалды.
Сонымен қатар жол-көлік оқиғасы кезінде жүргізушінің алкогольдік масаң күйде болғаны туралы ақпарат тексеріліп жатыр.
Жол-көлік оқиғасының барлық мән-жайы анықталуда.
