Кейбір облыстарда теле, радио арналардың хабар таратуы уақытша тоқтатылады

Энергия үнемдейтін жүйелерді жаңғырту және цифрлық эфирлік хабар тарату желісінде желілік инфрақұрылым құрылысы жұмыстарының жүргізілуіне байланысты Алматы, Атырау және Шығыс Қазақстан облыстарының радио және телевизия стансаларында жоспардан тыс жөндеу жұмыстары жүргізіледі. Бұл туралы «Қазтелерадио» АҚ баспасөз қызметі хабарлайды. 3-5 мамыр, сондай-ақ 11-14 мамыр аралығында сағат 01.00-ден 05.00-ге дейін радиотелехабар таратудың Алматы облысы, 5-26 мамыр аралығында Атырау облысы, 29 мамыр мен 8 маусым аралығында сағат 09.00-ден 17.50-ге дейін Шығыс Қазақстан облысындағы аналогтық хабар тарату желісінде «Қазақстан», «Хабар», «Хабар 24», «Евразия», «Шалқар», «Қазақ радиосы» теле, радио арналарының хабар таратуы тоқтатылады. Ал цифрлық эфирлік хабар тарату желісіндегі барлық теле, радио арналардың хабар таратылуы тоқтатылады. Телекөрермендер назарына жерсеріктік «OTAU TV» телевизиясы және кабельдік операторлар желілерінде теле және радио арналарының хабар таратуы үздіксіз жүргізілетін болады.

Серіктес жаңалықтары