Бүгін «Ауыл» партиясының төрағасы Қайрат Айтуғановтың бастауымен (сайланатын органның нақты атауы) депутаттығына кандидаттар Қостанай қаласындағы «Қазпошта» АҚ филиалының еңбек ұжымымен кездесіп, партияның сайлауалды бағдарламасын таныстырды, деп хабарлайды turkystan.kz.
Кездесуге «Ауыл» партиясының кандидаттары Владимир Киян, Александр Разинков, София Абдуразақова, Айдар Байкин, Андрей Двуреченский, Арман Исмаилов және өңірлік сайлауалды штабтың өкілдері қатысты.
Жиынды ашқан Қайрат Айтуғанов бұл кездесудің өзі үшін ерекше мәнге ие екенін атап өтті. Оның айтуынша, еңбек жолы пошта саласында оператор қызметінен басталған. Сондықтан ол бұл саланың ерекшелігі мен жауапкершілігін жақсы білетінін айтып, пошта қызметкерлерінің, әсіресе шалғай елді мекендерде мемлекет пен халық арасындағы байланысты қамтамасыз етудегі еңбегіне жоғары баға берді.
Кездесу барысында кандидат Айдар Байкин партияның сайлауалды бағдарламасындағы негізгі басымдықтарды таныстырды. Атап айтқанда, өңірлерді кешенді дамыту, еңбек адамдарын қолдау, жаңа жұмыс орындарын құру, әлеуметтік төлемдерді инфляция деңгейіне сәйкес индекстеу және әлеуметтік инфрақұрылымды жаңғырту мәселелеріне назар аударылды. Сонымен қатар жергілікті өзін-өзі басқаруды дамыту, бюджеттің ашықтығын цифрландыру, телемедицинаны қолдау және «Ауыл көмегі» консультациялық орталықтарын құру жөніндегі бастамалар таныстырылды.
Жиын соңында «Ауыл» партиясының өкілдері қатысушылардың сұрақтарына жауап беріп, ұсыныс-пікірлерін тыңдады. Жиын ашық диалог форматында өтті.
