Шарын мемлекеттік ұлттық табиғи паркінде Қызыл кітапқа енген қарақұйрықтар фототұзаққа түсіп қалды, деп хабарлайды turkystan.kz.
«Шарын мемлекеттік ұлттық табиғи паркінің аумағында орнатылған фототұзақтар арқылы Қазақстан Республикасының Қызыл кітабына енгізілген сирек жануар – қарақұйрық (Gazella subgutturosa) тіркелді», – делінген ұлттық парк таратқан хабарламада.
Қарақұйрық – шөл және шөлейт аймақтарды мекендейтін жануар. Ол аса сақ, өте жылдам әрі сымбатты, қатал табиғи жағдайларда тіршілік етуге жақсы бейімделген.
