Алматыда өтіп жатқан IBA Nomad 15 турнирінде қазақстандық аралас жекпе-жек шебері Еркебұлан Тоқтар ресейлік Артем Тарасовты нокаутпен жеңді, деп хабарлайды turkystan.kz.
Жартылай орта салмақтағы кездесу үш раундқа есептелгенімен, айқас ұзаққа созылған жоқ.
Еркебұлан Тоқтар бірінші раундтың алғашқы минуттарында-ақ жойқын хук жасап, қарсыласын нокаутқа түсірді. Соққыдан кейін Артем Тарасов біраз уақытқа дейін орнынан тұра алмай, төреші кездесуді мерзімінен бұрын аяқтады.
