Қазақстандық сейсмологтар Жетісу облысының аумағында болған жаңа жер сілкінісін тіркеді, деп хабарлайды turkystan.kz.
Қазақстан Республикасы Ұлттық ядролық орталығының Геофизикалық зерттеулер институтына қарасты Ұлттық деректер орталығының мәліметінше, жер сілкінісі 2026 жылғы 1 маусымда Астана уақытымен сағат 10:56-да тіркелген.
Жер сілкінісінің эпицентрі Жетісу облысының аумағында, Текелі қаласынан оңтүстік-шығысқа қарай 34 шақырым жерде орналасқан. Жер сілкінісінің магнитудасы 3,8 балды, ал энергетикалық класы 9-ды құрады.
