31 жастағы азамат Алматы облысында адам өлтіру дерегі бойынша іздеуде болған, деп хабарлайды turkystan.kz.
Күдікті Жетісай аудандық полиция бөлімінің қызметкерлері жүргізген жедел-іздестіру іс-шаралары барысында Жетісай қаласындағы көшелердің бірінен қолға түсті.
– Ұсталған азамат одан әрі тексеру жұмыстарын жүргізу және іздеуді жариялаған тарапқа тапсыру мақсатында полиция бөліміне жеткізілді, – деп хабарлады Түркістан облысы полиция департаменті.
Қазір оқиғаның барлық мән-жайын анықтауға бағытталған қажетті тергеу амалдары жүргізіліп жатыр.
