Алматыда жөндеу жұмыстарына байланысты Шемякин көшесінің бір бөлігі уақытша жабылады, деп хабарлайды turkystan.kz қала әкімдігіне сілтеме жасап.
Әкімдік мәліметіне сүйенсек, Шемякин көшесінің бір учаскесінде орташа жөндеу жұмыстарының жүргізілуіне байланысты көлік қозғалысына уақытша шектеу енгізіледі.
Атап айтқанда 2 мамыр сағат 22:00-ден 6 мамыр сағат 06:00-ге дейін Кожедуб көшесінен Хмельницкий көшесіне дейінгі арылықта қозғалыс толық жабылады.
Жөндеу жүргізілетін аумақта ескерту белгілері мен мердігер ұйым басшысының байланыс дерегі көрсетілген ақпараттық тақта орнатылады.
Әкімдік өкілдері қала тұрғындары мен қонақтарынан бағытын алдын ала жоспарлау сұрайды.
Еске сала кетейік, қозғалысқа енгізілетін барлық шектеу туралы ақпарат Telegram-дағы AlmatyJoly арнасында, әкімдіктің әлеуметтік желідегі парақшасында, сондай-ақ 2GIS және "Яндекс карталар" мобильді қосымшаларында жарияланады.
