Ақтөбе полициясы интернет-алаяқтық жасады деген күдікпен Түркістан облысының 18 жастағы тумасын ұстады, деп хабарлайды turkystan.kz.
Күдіктінің жеке басы «Anti-Fraud» және «Құқықтық тәртіп» жедел-профилактикалық іс-шаралары барысында анықталған.
«Биылғы жылдың ақпан айында күдікті “TikTok” қосымшасында хат алмасу кезінде “Free Fire” ойынын сату сылтауымен алдау жолымен Әйтеке би ауданының тұрғынына тиесілі 777 000 теңгені иемденгені анықталды», – делінген хабарламада.
Ол ақшаны алғанымен, сатып алушыға ешқандай тауар берілмеген.
Ұсталғаннан кейін күдікті өз кінәсін мойындады. Қазіргі уақытта алаяқтық фактісі бойынша тергеу амалдары жүргізілуде.
