Орал қаласында полиция қызметкерлері дүкендерден жасалған бірқатар ұрлық деректеріне күдікті екі азаматты ұстады, деп хабарлайды turkystan.kz.
Анықталғандай, күдіктілер түнгі уақытта сауда нысандарына заңсыз кіріп, ақшалай қаражатты, азық-түлік өнімдерін және өзге де тауар-материалдық құндылықтарды жымқырған.
Олардың заңсыз әрекеттерінен келтірілген жалпы шығын 1 млн теңгеден асты.
Қазір күдіктілер ұсталып, уақытша ұстау изоляторына қамалды.
Аталған дерек бойынша қылмыстық іс қозғалып, қажетті тергеу амалдары жүргізілуде. Сондай-ақ олардың осыған ұқсас басқа да қылмыстарға қатыстылығы тексерілуде.
