Әнші Тамара Асар шетелде ем алып жатқанын айтып, қайта жүріп үйреніп жатқанын мәлім етті, деп хабарлайды turkystan.kz.
«Шетелдемін. Алла сәтін салса.
Үш күннен бері қайтадан тәй-тәй басып, жүріп үйреніп жатырмын. Отырған орыннан көтеріліп, мұп-мұздай болған аяққа дұрыс міну — жетістік.
Бір жаққа қарай ауып кетпей, тепе-теңдікпен бойыңды тік ұстау — жеңіс. Өз комфортына жайғасып алған жылы дененің ауырсынуына,қажалғанына қарамай күрделі кезеңге бағыттап,босата білу- көну арқылы келген — ерлік", -деді ол.
Сондай-ақ ол әр қадамның артында еңбек пен төзім жатқанын айтты.
«Бір қадамды мың рет тынбай қайталау — еңбек. Қажалудың қанымен, ауырсынудан жотадан сорғалаған терге бой бермеу— жеңіс. Ал әрбір басқан қадам ойдағыдай өзі әдемі,өзі нық болса бұл бұйырса — жеміс! Тәнің мен жаныңды бір Аллаға тапсырып, бағыну арқылы бағындыру — рахат!
Бәрі өмірдегідей, ал өмір, кәдімгі спорттағыдай…», - деді Т. Асар.
