Республикалық маңызы бар «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 546-557 шақырым аралығындағы (ескі Күйік асуы) учаскесінде күрделі жөндеу жұмыстарының жүргізіледі.
Осыған орай «ҚазАвтоЖол» ҰК» АҚ Жамбыл облыстық филиалы Әкімшілік полиция басқармасымен бірлесіп, 13 сәуірден бастап Тараз – Шымкент бағытында көлік қозғалысына уақытша шектеу енгізілгенін хабарлайды.
Шектеу кезеңінде Тараз – Қаратау бағыты бойынша қозғалыс облыстық маңызы бар «Тараз – Аса – Ақкөл – Саудакент» және «Аса – Қарабастау» автожолдары арқылы ұйымдастырылады. Сонымен қатар, Шымкент – Тараз бағытына қарай ауыр жүк көліктерінің қозғалысы Жаңа Күйік асуы арқылы қамтамасыз етіледі.
Жол пайдаланушылардан сапар бағытын алдын ала жоспарлап, жол қозғалысы ережелерін қатаң сақтауды сұраймыз.
