Алматы облысы Талғар ауданындағы демалыс орнында қонақ үй өртеніп кетті. Бұл туралы ТЖМ хабарлады.
Оқиға бүгін, 6 қаңтарда болған.
"Бүгін Алматы облысының 112 пультіне Талғар ауданы, Алатау ауылдық округіндегі демалыс аймағының бірінде өрт шыққаны туралы хабарлама түсті. Шақырту орнына ТЖМ бөлімшелері жедел жетті. Жеткенде қонақ үйдің жануы анықталды. Өрт сөндірушілердің үйлесімді және жылдам әрекеттерінің арқасында өрт толық сөндірілді. Зардап шеккендер жоқ. Өрттің шығу себебі анықталуда", - делінген ТЖМ хабарламасында.
