Ақтөбе, Қарағанды, Жамбыл облыстарында көлік қозғалысы ашылды, деп хабарлайды turkystan.kz.
«Ақтөбе облысында республикалық маңызы бар «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 835-971 шақырым аралығында (Хромтау қаласынан Қарабұтақ ауылына дейін) жеңіл көліктер үшін қозғалыс ашылды»,- делінген «ҚазАвтоЖол» хабарламасында.
Сондай-ақ сағат 11:30-да келесі республикалық маңызы бар автожолдарда барлық көлік түрлері үшін қозғалыс ашылады:
Қарағанды облысы:
- «Астана – Қарағанды – Алматы» автожолының 592-750 шақырым аралығы (Балқаш қаласынан Жамбыл облысының шекарасына дейін).
Жамбыл облысы:
- «Астана – Қарағанды – Алматы» автожолының 2005-2152 шақырым аралығы (Қарағанды облысының шекарасынан Бұрылбайтал ауылына дейін).
1403 байланыс орталығына хабарласып, тәулік бойы қосымша ақпарат алуға болады.
