Жасөспірім қыз 1 желтоқсан күні кішкентай інісімен бірге үйден шыққан, бірақ мектепке бармаған, деп хабарлайды turkystan.kz.
Басылымдардың мәліметінше, бейнебақылау камералары оның інісімен бірге үйден шыққан сәтін түсіріп алған.
«Алдын ала дерек бойынша, олар жолда бөлініп кеткен: ұл бала мектепке кеткен, ал қыз өзен жаққа қарай бағыт алған. Одан кейін оның қайда екені белгісіз», — деп хабарлайды БАҚ.
«1 желтоқсан күні 2011 жылы туған жасөспірім күндіз сабаққа кеткен, бірақ үйіне оралмаған. Жоғалған кезде қыздың үстінде қара күрте, көк шалбар, ақ кроссовка болған, қасында қоңыр сөмке болған. Қазір ауқымды іздестіру жұмыстары жүргізіліп жатыр», — деп хабарлады Атырау облыстық Полиция департаменті.
Егер оның қайда екені туралы қандай да бір ақпаратыңыз болса, полиция 102 нөміріне хабарлауды сұрайды.
