ТЖМ құтқарушылары 34 адамды эвакуациялады, деп хабарлайды turkystan.Kz Төтенше жағдайлар министрлігіне сілтеме жасап.
Бүгін 112 пультіне Қызылорда облысы Арал ауданы аумағындағы «Қарабұтак–Қызылорда–Шымкент» автожолының 73-шақырымында шетел азаматтары мінген автобус сынып қалғаны жөнінде хабарлама түскен.
Автобустың ішінде 34 адам болған. Жолаушылар Ресей Федерациясынан Сарыағаш қаласына бет алған, - делінген ведомство таратқан хабарламада.
Оқиға орнына ТЖМ құтқарушылары шұғыл жетіп, барлық 34 адамды Арал қаласына жақын орналасқан жылыту пунктіне эвакуациялады.
