Астанада 11 қарашада хабар-ошарсыз кеткен 20 жастағы Темірхан Темірлан өлі күйінде табылды. Бұл туралы ақпаратты волонтерлер таратты, деп хабарлайды turkystan.kz.
Марқұмның денесі қалай табылғаны әзірге жарияланбады.
Іздестіру жұмыстарына қатысқан еріктілер оқиғаның мән-жайы тергеу мүддесіне байланысты ашып айтылмайтынын атап өтті.
Волонтерлердің мәліметінше, Темірхан Темірлан 11 қараша күні сағат шамамен 15:00-де Жұмабаев көшесі, 4-үйдегі жатақханадан белгісіз бағытқа шығып кеткен.
Соңғы рет көргендер оның келесі киімде болғанын айтады: сарғыш түсті сырт киім, қара джинсы, қара баскиім.
Іздестіру кезінде жігіттің сырт келбеті төмендегідей сипатталған: бойы – 175 см; дене бітімі – орташа; шашы – қара, қысқа; ерекшеліктері – ернінде және бетінде меңдері бар
Қайғылы оқиғаға байланысты тергеу амалдары жалғасып жатыр.
