Солтүстік Қазақстан облысының прокурорлары шетел азаматтарына жеке сәйкестендіру нөмірлерін беру кезінде заң бұзушылықтарды анықтады, деп хабарлайды turkystan.kz.
Прокуратураның ақпаратынша, «Солтүстік Қазақстан облысы бойынша «Азаматтарға арналған үкімет» Мемлекеттік корпорациясы» КАҚ-ң филиалы (бұдан әрі-Филиал) Заң талаптарына қайшы, шетелдіктерге олардың Қазақстан Республикасының аумағында болмай-ақ жеке сәйкестендіру нөмірлерін алу туралы 720 өтініштерін рәсімдеген.
"Прокурорлық қадағалау актісіне сәйкес кінәлілер заңда белгіленген жауапкершілікке тартылып, берілген жеке сәйкестендіру нөмірлерінің күшін жою шаралары жүргізілуде.
Сонымен қатар, ағымдағы жылдың 3 шілдесінде қадағалау органының материалдары бойынша Петропавл қаласының және М.Жұмабаев ауданының полиция органдары Қазақстан Республикасы Қылмыстық кодексінің 206-бабы 2-бөлігі «Ақпаратты заңсыз жою немесе өзгерту» бойынша сотқа дейінгі тергеп-тексерулерді бастады.
Қазіргі уақытта тергеу амалдары жүргізілуде", - делінген хабарламада.
