Жамбыл облысында екі балдық жер сілкінісі тіркелді, деп хабарлайды turkystan.kz.
Ведомствоның мәліметінше, ҚР ТЖМ "Сейсмологиялык зерттеу институты" ЖШС сейсмикалық станциялар желісі 12 қыркүйекте Астана уақытымен сағат 12:57-де жер сілкінісін тіркеген.
Жер сілкінісінің ошағы Алматы қаласынан оңтүстік-батысқа қарай 187 км жерде, Қырғызстан аумағында орналасқан.
Жамбыл облысы Қордай ауданында сезілуі – 2 балл.
"Зардап шеккендер мен қираулар туралы мәлімет түскен жоқ", - делінген хабарламада.
ТЖМ жер сілкінісі кезіндегі қарапайым 10 ережені еске салады:
1. Жер дүмпуі кезінде үрейленбеңіз;
2. Жер сілкінісі кезінде лифт және баспалдақты қолданбаңыз;
3. Жиhаздан, терезеден ары тұрыңыз;
4. Жасырынатын жерді табыңыз – жоғарғы қабаттарда негізгі іргелі қабырғалардың бұрышында орын алып жасырыңыз;
5. Ғимараттан шығыңыз (төменгі қабаттарда), көп қабатты үйлерде жер сілкінісі аяқталған соң ғимараттан шығыңыз;
6. Мүмкіндігіңізше кетер алдында суды, газды, электр қуатын өшіріңіз;
7. Дабыл жол сандығын алыңыз (алдын ала дайындау қажет);
8. Электр желілерден, ғимарат, ағаштардан аулақ тұрыңыз;
9. Жер сілкінісіне дайын болыңыз;
10. Қарт адамдарға, балаларға, мүмкіндігі шектеулі адамдарға көмек көрсетіңіз.
