Қазақстан қор биржасындағы (KASE) күндізгі сауда қорытындысы бойынша бір АҚШ долларының орташа сараланған бағамы 537,91 теңгені құрап, 2,11 теңгеге төмендеді, деп хабарлайды turkystan.kz.
Қазақстан Республикасының Ұлттық банкінің 5 қыркүйектегі ресми доллар бағамы – 540,05 теңге.
Kurs.kz сайтының деректеріне сәйкес, қазіргі уақытта Алматыдағы айырбастау пункттерінде долларды сатып алу орташа есеппен 538,35 теңге, сату – 540,17 теңге. Астанадағы айырбастау пункттерінде долларды орташа 536,06 теңгеден сатып алып, 541,01 теңгеден сатады.
Еске сала кетсек, 2 қыркүйектегі күндізгі сауда қорытындысы бойынша доллардың орташа сараланған бағамы 0,95 теңгеге көтерілген, 3 қыркүйекте – 0,55 теңгеге көтерілген, ал 4 қыркүйекте 0,09 теңгеге төмендеген.
