Алматы облысындағы Қарайсай ауданына қарасты Тұрар ауылында құрғақ шөп өртеніп, ол ауыл маңындағы саядайлар мен шаруашылық құрылыстарды да шарпыды. Өрт салдарынан үш адам мерт болды.
Алматы облысы Төтенше жағдайлар департаментінің деректерінше, өрт 30 тамыз күні сағат 15:50-де басталған. Тілсіз жау шамамен 30 гектар аумаққа жайылып, жеті саяжай үйін, алты шаруашылық нысанды, Honda Civic автокөлігін, шөп қоймасын, бастырма мен тұрғын үйді шарпыған. Өрт сөндірушілер жеткен кезде бүкіл аумақ жанып жатқан.
Өртті сөндіруге Алматы облысы ТЖД, Алматы қаласынан арнайы бөлімшелер және жергілікті атқарушы органдардың күші тартылды. Барлығы 27 адам мен 10 техника жұмылдырылды. Құтқарушылардың әрекетінің арқасында өрт 00:20-де ауыздықталды.
— Өрт орнынан үш адамның денесі табылды. Оқиғаға байланысты сот-медициналық сараптама тағайындалды. Өрттің себебін анықтау үшін Алматы облысы ТЖД анықтау бөлімшесі мен өрт себептерін зерттеу зертханасының өкілдері жұмыс істеп жатыр, — деп хабарлады ведомстводан.
