Биыл облыстағы жерлерді ауыл шаруашылығы айналымына тарту жоспары 180 мың гектарды құрайды.
Өңірлік жер қатынастары басқармасының басшысы Мұрат Хамитовтың айтуынша, қазіргі уақытта бизнес үшін жер алудың екі әдісі бар. Бос жер учаскесін сауда-саттыққа (аукционға) шығару туралы ұсыныстар беруге қатыса алады. Мұнда азамат учаскені өзі таңдап, көрсетеді. Екіншіден, сауда-саттыққа (аукциондарға) қойылатын жер учаскелері бар. Олардың тізбесін жергілікті атқарушы органдар қалыптастырады.
– Облыстағы жерлерді ауыл шаруашылығы айналымына тарту бойынша биылғы жоспар – 180 мың гектар. Бүгінгі таңда индикатордың орындалуы 42,3 мың гектар немесе жылдық жоспардың 23,5%-ы. Қалалар мен аудандардың әкімдіктері 220 млн теңгеден астам сомаға жалпы ауданы 105 гектарға 36 аукцион өткізді, - деп атап өтті басқарма басышы.
Былтыр жалпы ауданы 212 мың гектар болатын 609 ауыл шаруашылығы мақсатындағы учаске берілген. Оның ішінде жер пайдаланушылардың ерікті түрде бас тартуына немесе жалдау мерзімінің аяқталуына байланысты бұрын мемлекеттік меншікке қайтарылған 77 мың гектар жер айналымға тартылды.
